ಕುಂದಾಪುರ: ನಿಜವಾಯ್ತು ಶೃಂಗೇರಿ ಪೀಠದ ಗುರೂಜಿಗಳ ಭವಿಷ್ಯ-ಎರಡನೇ ಬಾರಿಗೆ ಮಂತ್ರಿಯಾದ್ರು ಕೋಟ

•   Tue, Aug 20 2019 07:57:41 PM



• ಕುಂದಾಪುರ, ಆ 20 (DaijiworldNews/SM): ರಾಜ್ಯದಲ್ಲಿ ಬಿ.ಎಸ್. ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರಕಾರ ಅಸ್ಥಿತ್ವಕ್ಕೆ ಬಂದಿದೆ. ಸುಮಾರ 26 ದಿನಗಳ ಬಳಿಕ ಇದೀಗ ಸಚಿವ ಸಂಪುಟ ವಿಸ್ತರಣೆಗೊಂಡಿದೆ. ಕರಾವಳಿಯ ಕೋಟ ಶ್ರೀನಿವಾಸ್ ಪೂಜಾರಿ ಸಚಿವ ಸ್ಥಾನ ಗಿಟ್ಟಿಸಿಕೊಂಡಿದ್ದಾರೆ. ಈ ನಡುವೆ ಬಿಜೆಪಿ ಸರಕಾರದ ಅಸ್ತಿತ್ವ ಹಾಗೂ ಕೋಟಾ ಸಚಿವರಾಗುವ ಬಗ್ಗೆ ಸ್ವಾಮೀಜಿಯೊಬ್ಬರು ಭವಿಷ್ಯ ನುಡಿದಿರುವ ವೀಡಿಯೋವೊಂದು ವೈರಲ್ ಆಗುತ್ತಿದೆ.

  

  

  ಆಗಸ್ಟ್ 20ರ ಮಂಗಳವಾರದಂದು ಸಚಿವ ಸಂಪುಟ ವಿಸ್ತರಣೆಗೊಂಡು ಕೋಟ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದರು. ಇದರ ಬೆನ್ನಲ್ಲೇ ಈ ವೀಡಿಯೋ ವೈರಲ್ ಆಗಿದೆ.

  ಕಳೆದ ಮೇ ತಿಂಗಳಿನಲ್ಲಿ ಶೃಂಗೇರಿ ದತ್ತಾತ್ರೇಯಪೀಠದ ವಿನಯ ಗುರೂಜಿ ಅವಧೂತರನ್ನು ಕೋಟ ಶ್ರೀನಿವಾಸ್ ಪೂಜಾರಿ ಭೇಟಿಯಾಗಿದ್ದರು. ಈ ವೇಳೆ ಗುರೂಜಿಗಳು ಕೋಟ ಶ್ರೀನಿವಾಸ್ ಪೂಜಾರಿಗೆ ಆಶೀರ್ವಾದ ಮಾಡಿದ್ದರು. ಈ ಬಾರಿ ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಅಸ್ತಿತ್ವಕ್ಕೆ ಬರಲಿದೆ. ಮಾತ್ರವಲ್ಲದೆ ನೀವು ೨ನೇ ಬಾರಿಗೆ ಮಂತ್ರಿಯಾಗಲಿದ್ದೀರಿ ಎಂದಿದ್ದರು.

  ಅವರ ಮಾತಿನಂತೆ ಬಿಜೆಪಿ ಸರಕಾರ ಅಸ್ತಿತ್ವಕ್ಕೆ ಬಂದಿದೆ. ಹಾಗೂ ಇದೀಗ ಕೋಟ ಶ್ರೀನಿವಾಸ್ ಪೂಜಾರಿಯವರಿಗೆ ಮಂತ್ರಿಗಿರಿ ಸಿಕ್ಕಿದೆ. ಇದರ ಬೆನ್ನಲ್ಲೆ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ. ಆದರೆ, ವೀಡಿಯೋದಲ್ಲಿ ಗುರೂಜಿಗಳು ಹೇಳಿರುವ ವಚನಗಳು ರೆಕಾರ್ಡ್ ಆಗಿಲ್ಲ. ಬದಲಾಗಿ ಶ್ರೀನಿವಾಸ್ ಗೆ ಆಶೀರ್ವಾದ ಮಾಡುವ ವೀಡಿಯೋ ಸೆರೆಯಾಗಿದೆ.