ಕಾಸರಗೋಡು ಡಿ 21 : ಇಲ್ಲಿನ ಕಡಂಬಾರಿನಲ್ಲಿ ಡಿ 20 ರ ಬುಧವಾರ ರಾತ್ರಿ ಬೈಕ್ ಹಾಗೂ ಆಕ್ಟಿವಾ ಪರಸ್ಪರ ಡಿಕ್ಕಿ ಹೊಡೆದು ಬೈಕ್ ಸವಾರ ಮೃತಪಟ್ಟ ಘಟನೆ ನಡೆದಿದೆ. ಅಪಘಾತದ ರಭಸಕ್ಕೆ ಬೈಕ್ ಸವಾರ ರಸ್ತೆಗೆ ಎಸೆಯಲ್ಪಟ್ಟಿದ್ದು, ತಕ್ಷಣ ಇದನ್ನು ಗಮನಿಸಿದ ಸಮೀಪದಲ್ಲೇ ಕ್ರಿಕೆಟ್ ಆಟವಾಡುತ್ತಿದ್ದ ಯುವಕರು ತಕ್ಷಣವೇ ಆಸ್ಪತ್ರೆಗೆ ಕೊಂಡೊಯ್ದರೂ ಫಲಕಾರಿಯಾಗಲಿಲ್ಲ. ಕಡಂಬಾರು ವಿಲ್ಲೇಜ್ ಆಫೀಸ್ ಮುಂಭಾಗದಲ್ಲಿ ಈ ಅಪಘಾತ ನಡೆದಿದ್ದು, ಮೃತರನ್ನು ವರ್ಕಾಡಿ ಪಾಡ ನಿವಾಸಿ ಜೆರಾಲ್ಡ್ ಡಿ.ಸೋಜಾ (48) ಎಂದು ಗುರುತಿಸಲಾಗಿದೆ. ಮೃತ ಜೆರಾಲ್ಡ್ ವಿವಾಹಿತನಾಗಿದ್ದು, ತಂದೆ,ತಾಯಿ,ಪತ್ನಿ ಹಾಗೂ ಮೂವರು ಮಕ್ಕಳನ್ನು ಅಗಲಿದ್ದಾರೆ.ವೃತ್ತಿಯಲ್ಲಿ ಪೈಂಟರ್ ಆದಾ ಇವರು ಕೊಲ್ಲಿ ರಾಷ್ಟ್ರದಿಂದ ಹಿಂತಿರುಗಿದ್ದರು. ಬುಧವಾರ ಸಂಜೆ ಕೆಲಸ ಮುಗಿಸಿ ತಂದೆಗೆ ಔಷಧಿ ತರಲೆಂದು ಹೊಸಂಗಡಿಗೆ ತೆರಳುತ್ತಿದ್ದಾಗ ಕಡಂಬಾರು ಸಮೀಪ ಮುಂಭಾಗದಿಂದ ಆಗಮಿಸಿದ ಆಕ್ಟಿವಾಗೆ ಢಿಕ್ಕಿ ಹೊಡೆದಿದೆ.
ಚಾನಲ್ ಫಾಲೋ ಮಾಡಿ
