ಮಂಗಳೂರು: ತುಂಬಿ ಹರಿಯುತ್ತಿದ್ದ ತೋಡಿಗೆ ಬಿದ್ದು ಯುವಕ ಸಾವು

•   Sat, Aug 10 2019 11:51:45 AM



• ಮಂಗಳೂರು,ಆ.10 (Daijiworld News/RD): ಜಿಲ್ಲೆಯಾದ್ಯಂತ ವರುಣನ ಆರ್ಭಟ ಜೋರಾಗಿದ್ದು, ಇದೀಗ ವಳಚ್ಚಿಲ್ ಮಸೀದಿ ಹತ್ತಿರ ನೀರಿನಿಂದ ತುಂಬಿ ಹೋಗಿದ್ದ ತೋಡಿಗೆ ಬಿದ್ದು ಯುವಕನೋರ್ವ ಮೃತಪಟ್ಟಿರುವ ಘಟನೆ ಆ.10 ರ ಶನಿವಾರ ನಡೆದಿದೆ. ಮೃತಪಟ್ಟಿರುವ ವ್ಯಕ್ತಿ 34 ವರ್ಷದ ರಝಾಕ್ ಎಂದು ಗುರುತಿಸಲಾಗಿದೆ.

  

  ನಿರಂತರವಾಗಿ ಭಾರೀ ಮಳೆ ಸುರಿಯುತ್ತಿರುವ ಹಿನ್ನೆಲೆಯಲ್ಲಿ ಮುಂಜಾಗ್ರತಾ ಕ್ರಮವಾಗಿ ಜಿಲ್ಲಾಧಿಕಾರಿ ರೆಡ್ ಅಲರ್ಟ್ ಘೋಷಿಸಲಾಗಿದ್ದು, ಈ ನಡುವೆ ಈ ದುರಂತ ಸಂಭವಿಸಿದೆ. ಮೃತ ರಝಾಕ್ ನ ದೇಹವನ್ನು ಈಗಾಗಲೇ ಪಡೀಲ್ ಫಸ್ಟ್  ನ್ಯೂರೋ‌ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ. ನಗರದಲ್ಲಿನ ರಸ್ತೆ ನೀರಿನಿಂದ ಜಲಾವೃತಗೊಂಡಿದ್ದು, ತೋಡುಗಳಲ್ಲಿಯೂ ನೀರು ತುಂಬಿ ಹರಿಯುತ್ತಿದೆ.