ಕುಂದಾಪುರ: ಅಕ್ರಮ ಕೋಣ ಸಾಗಾಟ : ಪಿಕಪ್ ಸಹಿತ ಆರೋಪಿ ಬಂಧನ

•   Fri, Aug 09 2019 12:29:18 PM



• ಕುಂದಾಪುರಆ.09 (Daijiworld News/RD): ಅಕ್ರಮವಾಗಿ ಕೋಣಗಳನ್ನು ಸಾಗಿಸುತ್ತಿದ್ದ ಸಂದರ್ಭ ವಾಹನ ಸಹಿತ ಆರೋಪಿ ಮತ್ತು ಎರಡು ಕೋಣಗಳನ್ನು ವಶಕ್ಕೆ ಪಡೆದ ಘಟನೆ ಕುಂದಾಪುರ ತಾಲೂಕಿನ ಎಂ. ಕೋಡಿ ಎಂಬಲ್ಲಿ ನಡೆದಿದೆ.

  

  

  

  

  ಕೋಣ ಸಾಗಾಟದ ಅರೋಪಿಯನ್ನು ಬಾಬು ಯಾನೆ ಜಾನ್ ಎಂದು ಗುರುತಿಸಲಾಗಿದೆ. ಶುಕ್ರವಾರ ಬೆಳಿಗ್ಗೆ ಪಿಕಪ್ ವಾಹನದಲ್ಲಿ ಅಕ್ರಮವಾಗಿ ಕೋಡಿಗೆ ಜಾನುವಾರು ಸಾಗಿಸಲಾಗುತ್ತಿದೆ ಎಂಬ ಸುದ್ಧಿಯನ್ನಾಧರಿಸಿ ಕುಂದಾಪುರ ಪೊಲೀಸರು ದಾಳಿ ನಡೆಸಿದ್ದರು.

  ಈ ಸಂದರ್ಭ ಕೋಣಗಳನ್ನು ಸಾಗಿಸಲು ಬಳಸಿದ ಪಿಕ್ ಅಪ್ ವಾಹನವನ್ನು ವಶಕ್ಕೆ ಪಡೆದುಕೊಂಡಿದ್ದು ಅರೋಪಿಯ ವಿರುದ್ದ ಪ್ರಕರಣ ದಾಖಲಿಸಲಾಗಿದೆ. ಸೋಮವಾರ ಬಕ್ರೀದ್ ಹಬ್ಬವಿದ್ದು, ಆ ಪ್ರಯುಕ್ತ ಮಾಂಸಕ್ಕೆಂದು ಕೋಣಗಳನ್ನು ತರಲಾಗಿತ್ತು ಎಂದು ಅಂದಾಜಿಸಲಾಗಿದೆ. ಕುಂದಾಪುರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.