ಪುತ್ತೂರು: ಎಟಿಎಂನಲ್ಲಿ ಮೊಬೈಲ್‌, ಪರ್ಸ್‌ ಬಿಟ್ಟು ಬಲ್ನಾಡು ಯುವಕ ನಾಪತ್ತೆ

•   Sat, Aug 03 2019 09:53:16 AM



• ಪುತ್ತೂರು, ಆ3 (Daijiworld News/RD): ಮನೆಯಿಂದ ಕೆಲಸಕ್ಕೆಂದು ತೆರಳಿ ವಾಪಾಸ್ಸಾಗದೆ, ನಾಪತ್ತೆಯಾಗಿರುವ ಪ್ರಕರಣ ಪುತ್ತೂರು ನಗರ ಠಾಣೆಯಲ್ಲಿ ದಾಖಾಲಾಗಿದೆ. ನಾಪತ್ತೆಯಾಗಿರುವ ವ್ಯಕ್ತಿಯು ಬಲ್ನಾಡು ಬಿರ್ಮರಕೋಡಿಯ ಚೇತನ್ ಎಂದು ಗುರುತಿಸಲಾಗಿದೆ.

  
  

  ವಿಶ್ವನಾಥ ಗೌಡ ಎಂಬವರ ಪುತ್ರರಾಗಿರುವ ಚೇತನ್, ಈತ ಕೆಮ್ಮಾಯಿ ಪೆಟ್ರೋಲ್ ಪಂಪ್ ನಲ್ಲಿ ಉದ್ಯೋಗದಲ್ಲಿದ್ದಾನೆ. ಆ.1 ಮುಂಜಾನೆ ಕೆಲಸಕ್ಕೆಂದು ತೆರಳಿ ಮನೆಗೆ ಬಾರದೆ ಇರುವ ಕಾರಣ ಆತಂಕಗೊಂಡ ಪೋಷಕರು ಪೊಲೀಸ್ ಠಾಣೆಯಲ್ಲಿ ಈ ಬಗ್ಗೆ ದೂರು ನೀಡಿದ್ದಾರೆ.

  ಮುಂಜಾನೆ ಕೆಲಸಕ್ಕೆಂದು ತೆರಳಿ ಮನೆಗೆ ಬಾರದೆ ಇದ್ದು ರಾತ್ರಿ ನನ್ನ ಬೈಕ್ ಪಂಚರ್ ಆಗಿದೆ ಎಂದು ಮನೆಯವರಿಗೆ ಮೆಸೇಜ್ ಮಾಡಿದ್ದಾನೆ. ಜತೆಗೆ ಚಿಕ್ಕಪ್ಪನ ಮಗನ ಮೊಬೈಲ್‌ಗೆ ಎಟಿಎಂ ಕಾರ್ಡ ಸಂಖ್ಯೆ ಹಾಗೂ ಮೊಬೈಲ್‌ನ ಸೀಕ್ರೆಟ್ ನಂಬರ್ ಮೆಸೆಜ್ ಮಾಡಿದ್ದಾನೆ. ಆನಂತರ ಮೊಬೈಲ್ ಸ್ವಿಚ್ ಆಫ್ ಆಗಿದೆ ಎಂದು ತಂದೆ ನೀಡಿದ ದೂರಿನ ಪ್ರತಿಯಲ್ಲಿ ಹೇಳಿದರು.