ಮಂಗಳೂರು: ಮೂರು ಮೀನುಗಾರಿಕಾ ದೋಣಿಗಳಿಗೆ ಬೆಂಕಿ-1 ಕೋಟಿ ರೂಪಾಯಿಗೂ ಅಧಿಕ ನಷ್ಟ

•   Thu, Aug 01 2019 08:36:00 PM



• ಮಂಗಳೂರು, ಆ 01 (DaijiworldNews/SM): ಆಕಸ್ಮಿಕವಾಗಿ ಮೂರು ಮೀನುಗಾರಿಕಾ ದೋಣಿಗಳು ಬೆಂಕಿಗಾಹುತಿಯಾದ ಘಟನೆ ಮಂಗಳೂರಿನ ದಕ್ಕೆಯಲ್ಲಿ ಸಂಭವಿಸಿದೆ. ದಕ್ಕೆಯ ಒಳಭಾಗದ ಇಂಜಿನಿಯರಿಂಗ್ ಯಾರ್ಡ್ ನಲ್ಲಿ ಈ ಬೆಂಕಿ ಆಕಸ್ಮಿಕ ನಡೆದಿದ್ದು, ಮೂರು ದೋಣಿಗಳು ಸುಟ್ಟು ಹೋಗಿವೆ.

  

  

  

  ಇನ್ನು ಬೆಂಕಿಗಾಹುತಿಯಾದ ದೋಣಿಗಳು ಹೊಸತಾಗಿ ನಿರ್ಮಿಸಲಾಗಿದ್ದವು ಎಂದು ತಿಳಿದು ಬಂದಿದೆ. ಘಟನೆಯಲ್ಲಿ ಸುಮಾರು 1 ಕೋಟಿ ರೂಪಾಯಿ ನಷ್ಟ ಅಂದಾಜಿಸಲಾಗಿದೆ. ಸ್ಥಳಕ್ಕೆ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ದೌಡಾಯಿಸಿ ಬೆಂಕಿ ನಿಯಂತ್ರಿಸಿದ್ದಾರೆ.