ಮಂಗಳೂರು: ಸಚಿವನಾಗಿ ಜಿಲ್ಲೆಯ ಅಭಿವೃದ್ಧಿಗೆ ಶ್ರಮಿಸಿದ್ದೇನೆ-ಯು.ಟಿ. ಖಾದರ್

•   Wed, Jul 24 2019 07:25:37 PM



• ಮಂಗಳೂರು, ಜು 24 (Daijiworld News/SM):ವಿಶ್ವಾಸ ಮತಯಾಚನೆಯಲ್ಲಿ ನಮಗೆ ಸೋಲಾಗಿದ್ದು, ಪ್ರಜಾಪ್ರಭುತ್ವ ವ್ಯವಸ್ಥೆಯಲ್ಲಿ ಇದನ್ನು ಸಕಾರಾತ್ಮಕವಾಗಿ ಸ್ವೀಕರಿಸುತ್ತೇವೆ ಎಂದು ಮಾಜಿ ಸಚಿವ ಯು.ಟಿ. ಖಾದರ್ ತಿಳಿಸಿದ್ದಾರೆ. 

  

  ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಸಚಿವನಾಗಿ ಉತ್ತಮ ಕಾರ್ಯ ಮಾಡಿದ್ದೇನೆ.ವಿಶೇಷ ಅನುದಾನವನ್ನು ಜಿಲ್ಲೆಗೆ ತಂದಿದ್ದೇನೆ. ಪ್ರಕೃತಿ ವಿಕೋಪ ಸಂದರ್ಭದಲ್ಲಿ ಒಂದೊಂದು ಕ್ಷೇತ್ರಕ್ಕೆ 6 ಕೋಟಿ ಅನುದಾನ ಬಿಡುಗಡೆಯಾಗಿದೆ. ಜಿಲ್ಲೆಯ ಕಾನೂನು ಸುವ್ಯವಸ್ಥೆ ಕಾಪಾಡಿ, ಲೈವ್ ಬ್ಯಾಂಡ್, ಇಸ್ವಿಟ್ ಇವುಗಳನ್ನು ಬಂದ್ ಮಾಡಿಸಿದ್ದೇನೆ. ಅಲ್ಲದೆ, ಕಳೆದ ಒಂದು ವರ್ಷದಿಂದ ಮರಳು ಮಾಫಿಯಾದ ವಿರುದ್ಧ ಕ್ರಮಕೈಗೊಂಡಿದ್ದೇನೆ.ಸ್ಯಾಂಡ್ ಬಜಾರ್ ಆ್ಯಫ್ ಮೂಲಕ ಮರಳಿಗೆ ಸಂಬಂಧಿಸಿದಂತೆ ಸಮಸ್ಯೆ ಇಲ್ಲದಾಗಿದೆ ಎಂದು ಅವರು ಹೇಳಿದರು.

  ಕಾಂಗ್ರೆಸ್ , ಜೆಡಿ‌ಎಸ್ ಮೈತ್ರಿ ಸರಕಾರ ಪತನ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಇದು ಸುಮಾರು ಒಂದು ಸಾವಿರ ಕೋಟಿ ಸ್ಕಾಮ್. ಮೂರು ತಿಂಗಳ ಬಳಿಕ ಅತೃಪ್ತರೇ ಇದನ್ನು ಹೇಳುತ್ತಾರೆ. ಬಿಜೆಪಿಯರು ಕೊಟ್ಟಿದ್ದನ್ನು ಅತೃಪ್ತರು ಒಪ್ಪಿಕೊಳ್ಳಲಿದ್ದಾರೆ. ನಮಲ್ಲಿಗೆ ಬೇರೆಯವರು ಬಂದು ಹುಳಿ ಹಿಂಡಿ ಇಷ್ಟೆಲ್ಲ ಆಗಿದೆ ಎಂದರು.

  ಸಂಮಿಶ್ರ ಸರಕಾರ ಅಂದ ಮೇಲೆ ಸಣ್ಣ ಪುಟ್ಟ ಸಮಸ್ಯೆಗಳಾಗುತ್ತವೆ. ಅವುಗಳನ್ನು ಸರಿದೂಗಿಸಿಕೊಂಡು ಹೋಗುತ್ತಿದ್ದೆವು.ನಾವು ಪ್ರಜಾಪ್ರಭುತ್ವಕ್ಕೆ ವಿರುದ್ಧವಾಗಿ ಹೋಗಿಲ್ಲ.ಕಳೆದ ಚುನಾವಣೆಯಲ್ಲಿ ಸಂಮಿಶ್ರ ಸರಕಾರ ಆಡಳಿಕ್ಕೆ ಬರಬೇಕು ಎಂದು ಜನರು ಬಯಸಿದ್ದರು ಎಂದು ಮಾಜಿ ಸಚಿವ ಯು. ಟಿ. ಖಾದರ್ ಪ್ರತಿಕ್ರಿಯೆ ನೀಡಿದ್ದಾರೆ.