ಮಂಗಳೂರು: ಕುಡಿದು ವಾಹನ ಚಾಲನೆ - 250 ಪ್ರಕರಣ ದಾಖಲು

•   Wed, Jul 24 2019 03:13:16 PM



• ಮಂಗಳೂರು, ಜು 24 (Daijiworld News/MSP): ನಗರದಲ್ಲಿ ಸಂಚಾರ ವ್ಯವಸ್ಥೆಯಲ್ಲಿ ಶಿಸ್ತು ತರಲು ಪ್ರಯತ್ನಿಸುತ್ತಿರುವ ಪೊಲೀಸ್‌ ಕಮಿಷನರ್‌ ಸಂದೀಪ್‌ ಪಾಟೀಲ್‌ ಅವರು ಸಂಚಾರ ನಿಯಮಗಳ ಉಲ್ಲಂಘನೆ ವಿರುದ್ಧ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳುವುದನ್ನು ಮುಂದುವರಿಸಿದ್ದಾರೆ. ಮಾತ್ರವಲ್ಲದೆ ಅಪಘಾತಗಳ ಪ್ರಮಾಣವನ್ನು ಕಡಿಮೆ ಮಾಡಲು, ಟ್ರಾಫಿಕ್ ನಿಯಮಗಳನ್ನು ಜಾರಿಗೊಳಿಸಲು ವಿಶೇಷ ಗಮನ ನೀಡಿರುವ ಪೊಲೀಸರು, ಸಂಚಾರ ನಿಯಮಗಳನ್ನು ಉಲ್ಲಂಘನೆ ಮಾಡುವವರ ವಿರುದ್ದ ಕಾನೂನು ಕ್ರಮವನ್ನು ಮುಂದುವರಿಸಿದ್ದಾರೆ.

  

  ಈ ನಡುವೆ ಜುಲೈ ತಿಂಗಳೊಂದರಲ್ಲೇ ನಗರದಲ್ಲಿ ಮದ್ಯ ಸೇವನೆ ಮಾಡಿ ವಾಹನ ಚಾಲನೆ ಮಾಡಿದ ಕುರಿತಂತೆ 250 ಕೇಸು ದಾಖಲಿಸಿದ್ದಾರೆ. ಮಿತಿ ಮೀರಿದ ವೇಗದಲ್ಲಿ ಹಾಗೂ ಅಜಾಗ್ರತೆಯಿಂದ ವಾಹನ ಚಲಾಯಿಸಿದ ಬಗ್ಗೆ 90 ಪ್ರಕರಣ ಹಾಗೂ ವಾಹನ ಚಾಲನೆ ವೇಳೆ ಮೊಬೈಲ್ ಬಳಕೆ ಮಾಡಿದ ವಿರುದ್ದ 250 ಪ್ರಕರಣಗಳು ದಾಖಲಾಗಿದೆ.

  ಇದಲ್ಲದೆ 170 ಸಿಗ್ನಲ್ ಜಂಪ್ ಪ್ರಕರಣ ಹಾಗೂ ವಾಹನಗಳ ಸಾಮರ್ಥ್ಯಕ್ಕಿಂತ ಹೆಚ್ಚುವರಿ ಪ್ರಯಾಣಿಕರ ಸಾಗಾಟ ಮಾಡಿದ ಆರೋಪದ ಮೇಲೆ 300 ಕೇಸು ದಾಖಲಾಗಿವೆ.