ಮಂಗಳೂರು: ಕತಾರ್ ನಲ್ಲಿ ಕಂಪ್ರೆಶರ್ ಸ್ಪೋಟ - ಜಿಲ್ಲೆಯ ಯುವಕ ಸಂದೇಶ್ ಬಲಿ

•   Wed, Jul 24 2019 12:11:05 PM



• ಮಂಗಳೂರು, ಜು 24 (Daijiworld News/MSP): ಕತಾರ್ ನಲ್ಲಿ ಕಂಪ್ರೆಶರ್ ಸ್ಪೋಟಗೊಂಡ ಪರಿಣಾಮ ಜಿಲ್ಲೆಯ ಬೆಳ್ತಂಗಡಿ ತಾಲೂಕಿನ ಮಾಲಾಡಿ ಗ್ರಾಮದ ಪುಂಜಾಲಕಟ್ಟೆಯ ಸಮೀಪದ ಪುರಿಯ ನಿವಾಸಿ ಸಂದೇಶ್ ಶೆಟ್ಟಿ (30) ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ.

  

  ಮೃತ ಸಂದೇಶ್ ಕತಾರ್ ನಲ್ಲಿ  ಟಾಕಿಫ್ ಇಲೆಕ್ಟ್ರೋ ಮೆಕ್ಯಾನಿಕಲ್ ಸಂಸ್ಥೆಯಲ್ಲಿ ಎಸಿ ಮೆಕ್ಯಾನಿಕ್ ಆಗಿ ದುಡಿಯುತ್ತಿದ್ದರು ಎಂದು ತಿಳಿದುಬಂದಿದೆ. ಸಂದೇಶ್ ಕತಾರ್ ಸ್ಟೇಡಿಯಂನಲ್ಲಿ ಜುಲೈ 23ರಂದು ಕೆಲಸ ನಿರ್ವಹಿಸುತ್ತಿರುವಾಗ ಕಂಪ್ರೆಶರ್ ಸ್ಪೋಟಕೊಂಡು ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ.

  ಎರಡು ವರ್ಷಗಳ ಹಿಂದೆ ವಿವಾಹವಾಗಿದ್ದ ಸಂದೇಶ್ 20 ದಿನಗಳ ಹಿಂದೆಯಷ್ಟೇ ತನ್ನ ಪತ್ನಿಯನ್ನು ಕತ್ತಾರ್ ಗೆ ಕರೆಯಿಸಿಕೊಂಡಿದ್ದರು. ಜು.14 ರಂದು ತನ್ನ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು.