ಮೂಡುಬಿದಿರೆ: ಭಾರೀ ಮಳೆಗೆ ಮನೆ ಕುಸಿತ

•   Wed, Jul 24 2019 10:40:16 AM



• ಮೂಡುಬಿದಿರೆ, ಜು 24 (Daijiworld News/RD): ಇಲ್ಲಿನ ಶ್ರೀ ಗುರುಮಠ ಕಾಳಿಕಾಂಬಾ ದೇವಸ್ಥಾನದ ವಠಾರದಲ್ಲಿರುವ ಶಾಂತಮ್ಮ ಹರಿಶ್ಚಂದ್ರ ಆಚಾರ್ಯ ಅವರ ಮನೆಯ ನೈಋತ್ಯ ಭಾಗವು ಭಾರೀ ಮಳೆಯಿಂದಾಗಿ ಕುಸಿದು ಬಿದ್ದಿದೆ. ಈ ಘಟನೆ ಜು 23 ಮಂಗಳವಾರ ಮಧ್ಯಾಹ್ನದಂದು ಸಂಭವಿಸಿದೆ.

  

  

  ಮನೆಯಲ್ಲಿದ್ದವರು ಹೊರಗೆ ಬಂದಿದ್ದ  ವೇಳೆಯಲ್ಲಿ ಈ ಅವಗಢ ನಡೆದಿದ್ದು, ಯಾರಿಗೂ ಅಪಾಯ ಉಂಟಾಗಿಲ್ಲ. ಕಳೆದ ವರ್ಷ ಸುರಿದ ಮಳೆಯಿಂದಾಗಿ ಈ ಮನೆಯ ಆಗ್ನೇಯ ದಿಕ್ಕಿನಲ್ಲಿದ್ದ ಅಡುಗೆ ಕೋಣೆ ಕುಸಿದು ಬಿದ್ದಿತ್ತು. ಆ ಬಳಿಕ ಪುಟ್ಟ ನಿವಾಸವೊಂದನ್ನು ನಿರ್ಮಿಸಲು ಶಾಂತಮ್ಮ ಅವರು ಮುಂದಾಗಿದ್ದು ಅದರ ಕಾಮಗಾರಿ ಇನ್ನಷ್ಟೇ ಪೂರ್ಣಗೊಳ್ಳಬೇಕಾಗಿದೆ. ಹಾಗಾಗಿ ನಿರ್ಮಾಣ ಹಂತದಲ್ಲಿದ ಹೊಸ ಮನೆಯ ಗೋಡೆಯೂ ಸಹ ಹಾನಿಗೊಂಡಿದೆ.