ಪಾತಕ ಲೋಕದ ಡಾನ್ ಯಶವಂತ್ ಮೇಲೆ ಪೊಲೀಸ್ ಫೈರಿಂಗ್ - ತನಿಖೆ ವೇಳೆ ಬಯಲಾಯ್ತು ರಹಸ್ಯ

•   Fri, Dec 15 2017 10:26:55 AM



• ಕಲಬುರಗಿ, ಡಿ 15: ಪಾತಕ ಲೋಕದ ಕುಖ್ಯಾತ ರೌಡಿ ಯಶವಂತನ ಮೇಲೆ ಪೊಲೀಸರು ಗುಂಡು ಹಾರಿಸಿದ್ದು, ಆತನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.

  

  

   

  ಅಕ್ರಮ ಪಿಸ್ತೂಲ್ ಮಾರಾಟ ದಂಧೆಯಲ್ಲೂ ತೊಡಗಿದ್ದ ಯಶವಂತ ಕೆಲ ತಿಂಗಳುಗಳ ಹಿಂದೆ ಕಲಬುರಗಿಯಲ್ಲಿ ಕೆಇಬಿ ಕಾಂಟ್ರಾಕ್ಟರ್ ನನ್ನು ಕಿಡ್ನಾಪ್ ಮಾಡಿ ಕೊಲೆ ಮಾಡಿ, ಕಳೆದ 2 ತಿಂಗಳಿಂದ ತಲೆ ಮರೆಸಿಕೊಂಡಿದ್ದ.

  ಕಲಬುರಗಿ ಹೊರವಲಯದ ತಾವರಗೇರಾ ಕ್ರಾಸ್ ಬಳಿ ಯಶವಂತ ಇರುವ ಬಗ್ಗೆ ಖಚಿತ ಮಾಹಿತಿಯನ್ನು ಪಡೆದುಕೊಂಡ ಪೊಲೀಸರು ಕಾರ್ಯಾಚರಣೆ ನಡೆಸಿ, ಆತನನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ವಿಚಾರಣೆ ವೇಳೆ ಅಕ್ರಮ ಪಿಸ್ತೂಲ್ ಮಾರಾಟ ಜಾಲ ಬೆಳಕಿಗೆ ಬಂದಿದೆ.

  ಈ ವೇಳೆ ಯಶವಂತ ಪೊಲೀಸರಿಂದ ತಪ್ಪಿಸುವ ಪ್ರಯತ್ನ ನಡೆಸಿದ್ದು, ವಿಫಲಗೊಂಡಿದ್ದಾನೆ. ಪೊಲೀಸರ ಬ್ಯಾರಿಕೇಡ್ ಮೇಲೆ ವಾಹನ ನುಗ್ಗಿಸಿ ಎಸ್ಕೇಪ್ ಆಗಲು ಯತ್ನಿಸಿದಾಗ ಪೊಲೀಸರು ಕಾರ್ ನ ಟೈರ್‍ಗೆ ಗುಂಡು ಹಾರಿಸಿದ್ದಾರೆ. ಕಾರ್‍ನಿಂದ ಕೆಳಗಿಳಿದ ರೌಡಿ ಯಶವಂತ ಪೊಲೀಸರತ್ತ ತಿರುಗಿಬಿದ್ದಾಗ ಕೂಡಲೇ ಪೊಲೀಸರು ಯಶವಂತನ ಕಾಲಿಗೆ 2 ಸುತ್ತು ಗುಂಡು ಹಾರಿಸಿ ರೌಡಿ ಯಶವಂತನನ್ನು ವಶಕ್ಕೆ ಪಡೆದುಕೊಂಡಿದ್ದಾರೆ.