ಕುಂದಾಪುರ: ಲಾರಿ ಡಿಕ್ಕಿಯಾಗಿ ಪಾದಾಚಾರಿ ಸಾವು

•   Sat, Jul 20 2019 03:49:15 PM



• ಕುಂದಾಪುರ, ಜು 20 (Daijiworld News/MSP): ಹೆದ್ದಾರಿ ಬದಿಯಲ್ಲಿ ನಡೆದು ಹೋಗುತ್ತಿದ್ದ ವೃದ್ಧ ಪಾದಾಚರಿಗೆ ಲಾರಿಯೊಂದು ಡಿಕ್ಕಿ ಹೊಡೆದ ಪರಿಣಾಮ ಪಾದಾಚಾರಿ ಸ್ಥಳದಲ್ಲಿಯೇ ಸಾವನ್ನಪ್ಪಿದ ಘಟನೆ ರಾಷ್ಟ್ರೀಯ ಹೆದ್ದಾರಿ 66 ರಲ್ಲಿ ಶಿರೂರು ನೀರ್‍ಗದ್ದೆ ಎಂಬಲ್ಲಿ ನಡೆದಿದೆ. ಅಪಘಾತದಲ್ಲಿ ಮೃತರಾದ ವೃದ್ಧರನ್ನು ಶಿರೂರು ನೀರ್‍ಗದ್ದೆಯ ಮೈದಿನಪುರ ನಿವಾಸಿ ತಿಮ್ಮಪ್ಪ ಆಚಾರಿ (85) ಎಂದು ಗುರುತಿಸಲಾಗಿದೆ.

  

  ತಿಮ್ಮಪ್ಪ ಆಚಾರ್ ಕುಲುಮೆ ಕೆಲಸಕ್ಕಾಗಿ ಮಾರುಕಟ್ಟೆಗೆ ಹೋಗಿದ್ದರು ಎನ್ನಲಾಗಿದ್ದು, ಈ ಸಮದರ್ಬ ಕೊಚ್ಚಿಯಿಂದ ಹಣ್ಣು ತುಂಬಿಕೊಂಡು ಮುಂಬೈ ಕಡೆಗೆ ಪ್ರಯಾಣಿಸುತ್ತಿದ್ದ ಗೂಡ್ಸ್ ಲಾರಿ ಡಿಕ್ಕಿ ಹೊಡೆದಿದೆ. ಡಿಕ್ಕಿಯ ರಭಸಕ್ಕೆ ತಿಮ್ಮಪ್ಪ ಆಚಾರ್ ಸ್ಥಳದಲ್ಲಿಯೆ ಸಾವನ್ನಪ್ಪಿದ್ದಾರೆ ಎಂದು ತಿಳಿದು ಬಂದಿದೆ. ಬೈಂದೂರು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.