ಮಂಗಳೂರು: ಸಭಾಂಗಣಕ್ಕೆ ನುಗ್ಗಿದ ಕಾರು - ಘಟನೆ ಸಿಸಿಟಿವಿಯಲ್ಲಿ ಸೆರೆ

•   Wed, Jul 17 2019 11:00:05 AM



• ಮಂಗಳೂರು, ಜು 17 (Daijiworld News/MSP): ಬಿಜೈಯಲ್ಲಿರುವ ಚರ್ಚ್ ಹಾಲ್ ನ ಪಾರ್ಕಿಂಗ್ ಸ್ಥಳದಿಂದ ಹೊರಹೋಗಲು ಯತ್ನಿಸಿದಾಗ ನಿಯಂತ್ರಣ ತಪ್ಪಿದ ಕಾರೊಂದು ನೇರವಾಗಿ ಚರ್ಚ್ ಹಾಲ್ ಗೆ ನುಗ್ಗಿದ ಘಟನೆ ಜು.16 ರಂದು ನಡೆದಿದೆ.

  

  

  ಈ ಘಟನೆ ಮಂಗಳವಾರ ಮಧ್ಯಾಹ್ನ ನಡೆದಿದ್ದು, ಸಂಭಾವ್ಯ ಅಪಾಯ ತಪ್ಪಿದೆ. ಅಕ್ಕಪಕ್ಕದಲ್ಲೇ ಮಕ್ಕಳು ಓಡಾಡುತ್ತಿದ್ದು ಪಾರ್ಕಿಂಗ್ ನ ಇಳಿಜಾರಿನಿಂದ ಕಾರು ವೇಗವಾಗಿ ಬರುತ್ತಿರುವುದನ್ನು ಗಮನಿಸಿದ ಪೋಷಕರು ಹಾಲ್ ನ ಮುಂಭಾಗ ನಿಂತಿದ್ದ ಮಕ್ಕಳನ್ನು ಹಿಡಿದು ಎಳೆದಿದ್ದಾರೆ. ಇದರಿಂದ ಆಗಬಹುದಾದ ಅನಾಹುತ ತಪ್ಪಿದೆ.

  ಚಾಲಕನ ನಿಯಂತ್ರಣ ತಪ್ಪಿ ಬಿಜೈನ ಚರ್ಚ್ ಹಾಲ್ ನ ಹಿಂಭಾಗದಲ್ಲಿರುವ ಮಿನಿ ಹಾಲ್ ಗೆ ನುಗ್ಗಿ ಕಾರು ಸಿಲುಕಿಗೊಂಡಿದೆ. ಘಟನೆಯಿಂದ ಸಭಾಂಗಣದ ಮುಂಭಾಗ ಹಾಗೂ ಕಾರಿಗೆ ಹಾನಿಯಾಗಿದೆ. ಈ ವೀಡಿಯೊ ಹಾಲ್ ನಲ್ಲಿ ಸಿಸಿಟಿವಿಯಲ್ಲಿ ದಾಖಲಾಗಿದೆ.