ಕಾಸರಗೋಡು: ಕೆರೆಯಲ್ಲಿ ಮುಳುಗಿ ಹತ್ತು ವರ್ಷದ ಬಾಲಕ ಸಾವು

•   Sat, Jul 06 2019 09:33:41 AM



• ಕಾಸರಗೋಡು, ಜು 06 (Daijiworld News/MSP): ಕೆರೆಯಲ್ಲಿ ಸ್ನಾನಕ್ಕಿಳಿದ ಹತ್ತು ವರ್ಷದ ಬಾಲಕನೋರ್ವ ನೀರಿನಲ್ಲಿ ಮುಳುಗಿ ಮೃತಪಟ್ಟ ಘಟನೆ ಜು.05 ರ ಶುಕ್ರವಾರ ಸಂಜೆ ನಗರದ ಹೊರವಲಯದ ನಾಯಮ್ಮರಮೂಲೆಯಲ್ಲಿ ನಡೆದಿದೆ.

  

  ಮೃತಪಟ್ಟವನನ್ನು ನಾಯಮ್ಮರಮೂಲೆಯ ಅಬ್ದುಲ್ ಸಲಾಂ ರವರ ಪುತ್ರ ಅಹಮ್ಮದ್ ಶಮ್ಮಾಸ್ ಎಂದು ಗುರುತಿಸಲಾಗಿದೆ.ಶುಕ್ರವಾರ ಸಂಜೆ ಸಹಪಾಠಿಗಳ ಜೊತೆ ಸಮೀಪದ ಕೆರೆಗೆ ಸ್ನಾನಕ್ಕಿಳಿದ ಸಂದರ್ಭದಲ್ಲಿ ಘಟನೆ ನಡೆದಿದ್ದು , ರಾತ್ರಿ ಮೃತದೇಹವನ್ನು ಮೇಲಕ್ಕೆತ್ತಲಾಗಿದ್ದು , ಕಾಸರಗೋಡು ಜನರಲ್ ಆಸ್ಪತ್ರೆಯ ಶವಾಗಾರದಲ್ಲಿರಿಸಲಾಗಿದ್ದು , ಮರಣೋತ್ತರ ಪರೀಕ್ಷೆ ಬಳಿಕ ಸಂಬಂಧಿಕರಿಗೆ ಬಿಟ್ಟುಕೊಡಲಿದೆ .

  ವಿದ್ಯಾನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.