ಮುಂಬೈಯಲ್ಲಿ ಭಾರೀ ಮಳೆ: ಮಂಗಳೂರಿಗೆ ಆಗಮನ-ನಿರ್ಗಮನದ ವಿಮಾನ ಸೇವೆಯಲ್ಲಿ ವ್ಯತ್ಯಯ

•   Thu, Jul 04 2019 08:29:23 AM



• ಮಂಗಳೂರು, ಜು04(Daijiworld News/SS): ಮುಂಬೈಯಲ್ಲಿ ಭಾರೀ ಮಳೆ ಸುರಿಯುತ್ತಿದ್ದು, ಜನಜೀವನ ಅಸ್ತವ್ಯಸ್ತವಾಗಿದೆ. ನಗರದ ವಿವಿಧ ರಸ್ತೆಗಳಲ್ಲಿ ಟ್ರಾಫಿಕ್‌ ಸಮಸ್ಯೆಯಾಗಿದ್ದು, ವಿಮಾನಗಳ ಹಾರಾಟಕ್ಕೂ ತೊಡಕಾಗಿದೆ. ಕೆಲ ರೈಲುಗಳ ಸಂಚಾರದಲ್ಲೂ ವಿಳಂಬವಾಗಿದೆ.

  

  ಭಾರೀ ಮಳೆಯ ಕಾರಣದಿಂದ ಮಂಗಳೂರಿಗೆ ಆಗಮನ-ನಿರ್ಗಮನದ ವಿಮಾನ ಸೇವೆಯಲ್ಲಿಯೂ ವ್ಯತ್ಯಯವಾಗಿದೆ ಎಂದು ತಿಳಿದುಬಂದಿದೆ.

  ಮುಂಬಯಿಯಿಂದ ಆಗಮಿಸುವ ಇಂಡಿಗೋ ವಿಮಾನ ಜು.3ರಂದು ರದ್ದುಗೊಂಡಿದ್ದು, ಮಧ್ಯಾಹ್ನ ಬರಬೇಕಿದ್ದ ಏರ್‌ಇಂಡಿಯಾ ವಿಮಾನ ಸಂಜೆ ವೇಳೆಗೆ ಮಂಗಳೂರಿಗೆ ಆಗಮಿಸಿದೆ. ಮಾತ್ರವಲ್ಲ, ಸಂಜೆಯ ವೇಳೆಗೆ ಆಗಮಿಸಬೇಕಿದ್ದ, ಇಂಡಿಗೋ ವಿಮಾನ ಕೂಡ ತಡವಾಗಿ ಆಗಮಿಸಿದೆ ಎಂದು ಮೂಲಗಳು ತಿಳಿಸಿದೆ.