ಮಂಗಳೂರು: ಏಕಾಏಕಿ ಚಲಿಸಿದ ಚಾಲಕನಿಲ್ಲದ ಆಟೋ, ಸಮಯಪ್ರಜ್ಞೆ ಮೆರೆದು ಅಜ್ಜಿ ಮೊಮ್ಮಗನನ್ನು ರಕ್ಷಿಸಿದ ಉಸ್ತಾದ್

•   Wed, Jul 03 2019 07:30:56 PM



• ಮಂಗಳೂರು, ಜು 02 (Daijiworld News/SM): ನಿಲ್ಲಿಸಿದ್ದ ಆಟೋ ರಿಕ್ಷಾ ಏಕಾಏಕಿ ಮುಂದಕ್ಕೆ ಚಲಿಸಿದ್ದು, ಸ್ಥಳೀಯರ ಸಮಯ ಪ್ರಜ್ಞೆಯಿಂದಾಗಿ ಅನಾಹುತವೊಂದು ತಪ್ಪಿದ ಘಟನೆ ನಗರದ ಹೊರವಲಯದ ಮಂಜನಾಡಿ ಖಾಸಗಿ ಶಿಕ್ಷಣ ಸಂಸ್ಥೆಯೊಂದರ ಆವರಣದಲ್ಲಿ ನಡೆದಿದೆ.

  

  

  ನಿಲ್ಲಿಸಿದ್ದ ಆಟೋದಲ್ಲಿ ಅಜ್ಜಿ ಹಾಗೂ ಮೊಮ್ಮಗ ಕುಳಿತಿದ್ದರು. ಆಟೋ ಚಾಲಕ ರಿಕ್ಷಾದಲ್ಲಿರಲಿಲ್ಲ. ಆ ಸಂದರ್ಭ ಆಟೋ ರಿಕ್ಷಾ ಏಕಾಏಕಿ ಮುಂದಕ್ಕೆ ಚಲಿಸಿದೆ. ಚಾಲಕ ಇಲ್ಲದೆ ರಿಕ್ಷಾ ಚಲಿಸುತ್ತಿರುವುದನ್ನು ಗಮನಿಸಿದ ಮಸೀದಿ ಗುರು ಇಕ್ಬಾಲ್ ಉಸ್ತಾದ್ ಎಂಬವರು, ಕೂಡಲೇ ಆಟೊ ರಿಕ್ಷಾವನ್ನು ಬೆನ್ನತ್ತಿ ನಿಲ್ಲಿಸಿ ಅಜ್ಜಿ ಮೊಮ್ಮಗನನ್ನು ಅಪಾಯದಿಂದ ಪಾರು ಮಾಡಿದ್ದಾರೆ.

  ಈ ವೀಡಿಯೋ ಅಲ್ಲೇ ಇದ್ದ ಸಿಸಿಟಿವಿ ಕ್ಯಾಮರಾದಲ್ಲಿ ಸೆರೆಯಾಗಿದ್ದು, ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಇಕ್ಬಾಲ್ ಉಸ್ತಾದರ ಸಮಯ ಪ್ರಜ್ಞೆಗೆ ಎಲ್ಲೆಡೆಯಿಂದ ಶ್ಲಾಘನೆ ವ್ಯಕ್ತವಾಗಿದೆ.