ಕಾರ್ಮಿಕ ಸಾವು: ಮನೆ ನಿರ್ಮಾಣದ ವೇಳೆ ಮಣ್ಣು ಕುಸಿದುಬಿದ್ದು ಘಟನೆ

•   Tue, Sep 12 2017 05:47:49 PM



• ಕುಂಬಳೆ ಸೆ.12: ಮನೆ ನಿರ್ಮಾಣ ಸಂದರ್ಭ ಮಣ್ಣು ಕುಸಿದುಬಿದ್ದು ಕಾರ್ಮಿಕರೋರ್ವರು ಸಾವನ್ನಪ್ಪಿರುವ ಘಟನೆ ಇಂದು ಮದ್ಯಾಹ್ನ ಕುಂಬಳೆ ಸೀತಾಂಗೋಳಿ ಸಮೀಪದ ಕುದ್ರೆಪ್ಪಾಡಿಯಲ್ಲಿ ನಡೆದಿದೆ. ವೆಂಕಟರಮಣ(60) ಘಟನೆಯಲ್ಲಿ ಮೃತಪಟ್ಟ ದುರ್ದೈವಿ.

   

   

   

  ಖಾಸಗಿ ವ್ಯಕ್ತಿಯೋರ್ವರ ಮನೆ ನಿರ್ಮಾಣಕ್ಕಾಗಿ ಕೆಲಸ ನಿರ್ವಹಿಸುತ್ತಿದ್ದ ಸಂದರ್ಭದಲ್ಲಿ ಮಣ್ಣು ಕುಸಿದು ಬಿದ್ದು ಈ ದುರ್ಘಟನೆ ಸಂಭವಿಸಿದೆ. ತಕ್ಷಣ ಮಣ್ಣಿನಡಿ ಸಿಲುಕಿದ್ದ ಅವರನ್ನು ಹೊರ ತೆಗೆದು ಆಸ್ಪತ್ರೆಗೆ ಸಾಗಿಸಲಾದರೂ ಜೀವ ಉಳಿಸಲಾಗಲಿಲ್ಲ. ಇನ್ನು ಇವರೊಂದಿಗೆ ಕೆಲಸ ನಿರ್ವಹಿಸುತ್ತಿದ್ದ ಗೋಪಾಲ್, ಸೀತಾರಾಮ ಮತ್ತು ನಾಗಪ್ಪ ಎಂಬವರು ಅದೃಷ್ಟವಶಾತ್ ಅಪಾಯದಿಂದ ಪಾರಾಗಿದ್ದಾರೆ.