ಮೂಡುಬಿದಿರೆ: ವಿದ್ಯುತ್ ತಂತಿ ತುಂಡಾಗಿ ಬಿದ್ದು ಬೈಕ್ ಭಸ್ಮ, ಇಬ್ಬರು ಲೈನ್ ಮ್ಯಾನ್ ಗಳು ಗಂಭೀರ

•   Tue, Jul 02 2019 09:39:35 PM



• ಮೂಡುಬಿದಿರೆ, ಜು 02(Daijiworld News/SM): ವಿದ್ಯುತ್ ತಂತಿ ತುಂಡಾಗಿ ಬಿದ್ದ ಪರಿಣಾಮ, ಬೈಕ್ ಸುಟ್ಟು ಭಸ್ಮಗೊಂಡು, ಇಬ್ಬರು ಲೈನ್ ಮ್ಯಾನ್ ಗಳು ಗಂಭೀರ ಗಾಯಗೊಂಡ ಘಟನೆ ತೆಂಕ ಎಡಪದವು ಎಂಬಲ್ಲಿ ನಡೆದಿದೆ. ಬಾಗಲಕೋಟೆಯ ದರಿಯಪ್ಪ ಹಾಗೂ ಕರಿಯಪ್ಪ ಗಾಯಗೊಂಡವರು.

  

  

  ತೆಂಕ ಎಡಪದವು ಗ್ರಾಮದ ಪಂಚಾಯಿತಿ ಹಿಂಬದಿಯ ರಸ್ತೆಯಲ್ಲಿ ಮರದ ರೆಂಬೆ ಮುರಿದು ವಿದ್ಯುತ್ ತಂತಿ ಮೇಲೆ ಬಿದ್ದಿದೆ. ಇದರಿಂದಾಗಿ ವಿದ್ಯುತ್ ತಂತಿ ತುಂಡಾಗಿ ಬಿದ್ದಿದೆ. ಈ ವೇಳೆ  ಆ ಪ್ರದೇಶದಲ್ಲಿ ಬೈಕ್ ನಲ್ಲಿ ತೆರಳುತ್ತಿದ್ದ ಲೈನ್ ಮ್ಯಾನ್ ಗಳ ಮೇಲೆ ಬಿದ್ದಿದೆ. ಈ ವೇಳೆ ಬೈಕ್ ಸಂಪೂರ್ಣ ಸುಟ್ಟು ಭಸ್ಮವಾಗಿದೆ.

  ಇನ್ನು ಘಟನೆಯಲ್ಲಿ ಇಬ್ಬರು ಲೈನ್ ಮ್ಯಾನ್ ಗಳು ಗಂಭೀರ ಗಾಯಗೊಂಡಿದ್ದು, ಅವರನ್ನು ಮಂಗಳೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇನ್ನು ಘಟನೆ ನಡೆದ ತಕ್ಷಣ ಗಾಯಾಳುಗಳನ್ನು ಆಸ್ಪತ್ರೆಗೆ ಸಾಗಿಸಲು ಸ್ಥಳೀಯರು ನೆರವಾಗಿದ್ದಾರೆ.