ಕಾಸರಗೋಡು: ತಂದೆಯನ್ನೇ ಕೊಲೆಗೈದ ಪುತ್ರ

•   Sat, Jun 29 2019 02:45:16 PM



• ಕಾಸರಗೋಡು, ಜೂ 29 (Daijiworld News/MSP): ಪುತ್ರನೊಬ್ಬ ತಂದೆಯನ್ನು ಕೊಲೆಗೈದ ಘಟನೆ ಜೂ. 27 ರ ಶುಕ್ರವಾರ ರಾತ್ರಿ ಚಿತ್ತಾರಿಕಾಲ್ ನಲ್ಲಿ ನಡೆದಿದೆ. ಕೃತ್ಯಕ್ಕೆ ಸಂಬಂಧಪಟ್ಟಂತೆ ಅನುಷ್ (25) ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. 

  

  ಮೃತ ದಾಮೋದರ

  ಮೃತರನ್ನು ಪುದಿಯಕೋಟದ ದಾಮೋದರ ( 62) ಎಂದು ಗುರುತಿಸಲಾಗಿದೆ. ಕೌಟು೦ಬಿಕ ಕಲಹವೇ ಈ ಕೃತ್ಯಕ್ಕೆ ಕಾರಣ ಎನ್ನಲಾಗಿದೆ. ಶುಕ್ರವಾರ ರಾತ್ರಿ ಹತ್ತು ಗಂಟೆ ಸುಮಾರಿಗೆ ತಂದೆ ದಾಮೋದರ ಮತ್ತು ಪುತ್ರ ಅನುಷ್ ನಡುವೆ ಜಗಳವಾಗಿದ್ದು , ಈ ನಡುವೆ ಅನುಷ್ ಮರದ ತುಂಡಿನಿಂದ ತಂದೆಯ ಬಡಿದಿದ್ದು, ಪರಿಣಾಮ ಕುಸಿದು ಬಿದ್ದ ದಾಮೋದರನ್ ಸ್ಥಳದಲ್ಲೇ ಮೃತಪಟ್ಟರೆನ್ನಲಾಗಿದೆ.

  ಇವರಿಬ್ಬರ ನಡುವೆ ಆಗಾಗ ಜಗಳವಾಗುತ್ತಿತ್ತು ಎನ್ನಲಾಗಿದೆ. ನಿನ್ನೆ ರಾತ್ರಿ ಜಗಳ ವಿಕೋಪಕ್ಕೆ ತಿರುಗಿ ಕೊಲೆಯಲ್ಲಿ ಕೊನೆಗೊಂಡಿದೆ. ಕಾಞ೦ಗಾಡ್ ಡಿವೈಎಸ್’ಪಿ ಪಿ .ಕೆ ಸುಧಾಕರನ್ ನೇತೃತ್ವದ ತಂಡವು ಸ್ಥಳಕ್ಕಾಗಮಿಸಿದ್ದು , ಮುಂದಿನ ಕ್ರಮ ತೆಗೆದುಕೊಂಡಿದ್ದಾರೆ.