ಕುಂದಾಪುರ: ದ್ವಿಚಕ್ರ ವಾಹನ ಸ್ಕಿಡ್ ಆಗಿ ಬಿದ್ದು ಶಿಕ್ಷಕ ಮೃತ್ಯು

•   Fri, Jun 28 2019 10:28:55 PM



• ಕುಂದಾಪುರ, ಜೂ 28 (Daijiworld News/SM): ದ್ವಿಚಕ್ರ ವಾಹನ ಸ್ಕಿಡ್ ಆಗಿ ಬಿದ್ದ ಪರಿಣಾಮ ಶಿಕ್ಷಕರೋರ್ವರು ಮೃತಪಟ್ಟ ಘಟನೆಯೊಂದು ಇಲ್ಲಿನ ಕೋಟ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

  

  

  ಸುರೇಶ್ ಹಂಗಾರಕಟ್ಟೆ (36) ಎಂಬವರು ಮೃತಪಟ್ಟ ಶಿಕ್ಷಕ. ಸುರೇಶ್, ವೆಂಕಟರಮಣ ಆಂಗ್ಲಮಾಧ್ಯಮ ಶಾಲೆಯಲ್ಲಿ ಶಿಕ್ಷಕರಾಗಿದ್ದರು. ಎಂದಿನಂತೆ ಜೂನ್ ೨೮ರ ಶುಕ್ರವಾರದಂದು ಕೂಡ ಶಾಲೆ ಮುಗಿಸಿ ಸಂಜೆಯ ಸಮಯ ಮನೆಗೆ ಹಿಂತಿರುಗುತ್ತಿದ್ದರು. ಈ ವೇಳೆ ಅವರ ದ್ವಿಚಕ್ರ ವಾಹನ ಸ್ಕಿಡ್ ಆಗಿದೆ.

  ಈ ವೇಳೆ ರಸ್ತೆಗೆ ಎಸೆಯಲ್ಪಟ್ಟ ಸುರೇಶ್ ಅವರ ತಲೆಗೆ ಗಂಭೀರ ಏಟಾಗಿದೆ. ಹಾಗೂ ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ಸ್ಥಳಕ್ಕೆ ಕೋಟ ಠಾಣಾ ಪೊಲೀಸರು ಭೇಟಿ ನೀಡಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.