ಉಡುಪಿ: ಸುಲ್ತಾನ್ ಗೋಲ್ಡ್ ಶಾಖೆಯಲ್ಲಿ ಮೂರನೇ ದಿನವೂ ಐಟಿ ಅಧಿಕಾರಿಗಳಿಂದ ಕಡತಗಳ ಪರಿಶೀಲನೆ

•   Fri, Jun 28 2019 08:29:39 PM



• ಉಡುಪಿ, ಜೂ 28 (Daijiworld News/SM): ಸುಲ್ತಾನ್ ಗೋಲ್ಡ್ ಉಡುಪಿ ಶಾಖೆಯಲ್ಲಿ ಮೂರನೇ ದಿನವೂ ಕೂಡಾ ಐಟಿ ಅಧಿಕಾರಿಗಳ ದಾಳಿ ಮುಂದುವರೆದಿದೆ.

  

  ಬುಧವಾರದಂದು ಐಟಿ ಅಧಿಕಾರಿಗಳು ಸುಲ್ತಾನ್ ಗೋಲ್ಡ್ ನ ಉಡುಪಿ ಹಾಗೂ ಮಂಗಳೂರು ಶಾಖೆಗಳಿಗೆ ದಾಳಿ ನಡೆಸಿದ್ದರು. ದಾಳಿ ನಡೆಸಿದ ಅಧಿಕಾರಿಗಳು ಕಡತಗಳನ್ನು ಪರಿಶೀನೆ ನಡೆಸಿದ್ದರು. ಬಳಿಕ ಗುರುವಾರ ಪರಿಶೀಲನೆಯನ್ನು ಮುಂದುವರೆಸಿದ್ದರು. ಇದೀಗ ಮೂರನೇ ದಿನವಾದ ಶುಕ್ರವಾರ ಕೂಡ ದಾಳಿಯನ್ನು ಮುಂದುವರೆಸಿದ್ದಾರೆ.

  ಇಂದು ಕೂಡಾ ದಾಳಿಯನ್ನು ಮುಂದುವರೆಸಿರುವ ಅಧಿಕಾರಿಗಳು ದಾಖಲೆಗಳ ಪರಿಶೀಲನೆ ಯನ್ನು ನಡೆಸಿದ್ದಾರೆ. ಆಭರಣ ಮಳಿಗೆಯನ್ನು ಮುಚ್ಚಲಾಗಿದ್ದು ಸಾರ್ವಜನಿಕರಿಗೆ ಪ್ರವೇಶ ನಿಷೇಧಿಸಲಾಗಿದೆ. ಮಳಿಗೆಯೊಳಗೆ ಮಾಲಕರ ಸಮ್ಮುಖದಲ್ಲಿ ಅಧಿಕಾರಿಗಳು ಕಡತಗಳನ್ನು ಪರಿಶೀಲನೆ ನಡೆಸಿದ್ದಾರೆ.