ಪಡುಬಿದ್ರಿ: ಕಸಾಯಿಖಾನೆಗೆ ಸಾಗಿಸುತ್ತಿದ್ದ 5 ಜಾನುವಾರು ರಕ್ಷಣೆ - ನಾಲ್ವರ ಬಂಧನ

•   Thu, Jun 27 2019 03:16:32 PM



• ಪಡುಬಿದ್ರಿ,ಜೂ 27 (Daijiworld News/MSP): ಹಿಂಸಾತ್ಮಕವಾಗಿ ಕಸಾಯಿಖಾನೆಗೆಂದು ಮೂಳೂರಿನಿಂದ ಕಾಸರಗೋಡಿಗೆ ಸಾಗಿಸುತ್ತಿದ್ದ ಜಾನುವಾರುಗಳ ಸಹಿತ ಬೋಲೇರೊ ಪಿಕ್ ಅಪ್ ವಾಹನ ವನ್ನು ಜೂ.26 ರ ಬುಧವಾರ ರಾತ್ರಿ ಪಡುಬಿದ್ರಿ ಕಾರ್ಕಳ ಜಂಕ್ಷನ್ ಬಳಿ ತಡೆದು ನಿಲ್ಲಿಸಿದ ಪಡುಬಿದ್ರಿ ಪೋಲಿಸರು, ಪಿಕಪ್ ಚಾಲಕ ಮೂಳೂರಿನ ಕಬೀರ್ (22) ನನ್ನು ವಶಕ್ಕೆ ಪಡೆದಿದ್ದಾರೆ.

  

  

  

  ವಾಹನದಲ್ಲಿದ್ದ ಮತ್ತೋರ್ವ ಆರೋಪಿ ಮೂಳೂರಿನ ರಫೀಕ್ ಪರಾರಿಯಾಗಿದ್ದಾನೆ. ಕಸಾಯಿಖಾನೆಗೆ ಸಾಗಿಸುತ್ತಿದ್ದ, ವಾಹನ ದಲ್ಲಿದ್ದ ಐದು ಕೋಣಗಳನ್ನು ರಕ್ಷಿಸಲಾಗಿದೆ. ಈ ವಾಹನ ಬೆಂಗಾವಲು ವಾಹನವಾಗಿ ಬಂದಿದ್ದ ಮಾರುತಿ ಆಮ್ನಿಯನ್ನು ಪೋಲೀಸರು ವಶಕ್ಕೆ ಪಡೆದಿದ್ದು ಅದರಲ್ಲಿದ್ದ ಮೊಹಮ್ಮದ್ ರಿಜ್ವಾನ್(28) ಜಮಾಲುದ್ದಿನ್ (27) ಮತ್ತು ಸೂರ್ಯ ನಗರ ಕಳತ್ತೂರಿನ ಇಲಿಯಾಸ್(35) ರನ್ನು ಬಂಧಿಸಿದ್ದಾರೆ.

  ಬಂಧಿತರಲ್ಲಿದ್ದ 1388 ರೂ. ಮತ್ತು 4 ಮೊಬೈಲ್ ಫೋನ್ ಗಳನ್ನು ವಶಕ್ಕೆ ಪಡೆದಿದ್ದಾರೆ. ಪಡುಬಿದ್ರಿ ಠಾಣಾಧಿಕಾರಿ ಸುಬ್ಬಣ್ಣ ಮತ್ತು ಸಿಬಂದಿ ಕಾರ್ಯಾಚರಣೆ ನಡೆಸಿದ್ದರು.