ಕುಂಬಳೆ:ವ್ಯಕ್ತಿಯನ್ನು ಅಪಹರಿಸಿ ಗಂಭೀರ ಹಲ್ಲೆ; ಚಿಕಿತ್ಸೆ ಫಲಿಸದೆ ಆಸ್ಪತ್ರೆಯಲ್ಲಿ ಮೃತ್ಯು

•   Tue, Jun 25 2019 10:08:39 PM



• ಕುಂಬಳೆ, ಜೂ 25 (Daijiworld News/SM): ವ್ಯಕ್ತಿಯೊಬ್ಬರನ್ನು ಅಪಹರಿಸಿ ಗಂಭೀರವಾಗಿ ಹಲ್ಲೆ ನಡೆಸಿದ ಪ್ರಕರಣದಲ್ಲಿ ಗಾಯಗೊಂಡು ಆಸ್ಪತ್ರೆಯಲ್ಲಿ ಚಿಇತ್ಸೆ ಪಡೆಯುತ್ತಿದ್ದ ವ್ಯಕ್ತಿ ಮೃತಪಟ್ಟಿರುವ ಘಟನೆ ನಡೆದಿದೆ. ಉಪ್ಪಳ ಬಳಿಯ ಸೋಂಕಾಲ್ ನಿವಾಸಿ ಅಲ್ತಾಫ್(55) ಎಂಬವರು ಮೃತಪಟ್ಟ ವ್ಯಕ್ತಿಯಾಗಿದ್ದಾರೆ.

  

  

  ಮಗಳ ಗಂಡನ ನೇತೃತ್ವದಲ್ಲಿ ತಂಡವೊಂದು ಅಲ್ತಾಫ್ ರನ್ನು ಅಪಹರಿಸಿ ಆಕ್ರಮಿಸಿ ಗಂಭೀರವಾಗಿ ಹಲ್ಲೆ ನಡೆಸಿದ್ದಾರೆ. ಅಲ್ತಾಫ್ ಅವರ ಅಳಿಯ ಶಬೀರ್, ರಿಯಾಸ್, ಲತೀಫ್ ಎಂಬಿವರ ನೇತೃತ್ವದಲ್ಲಿ ಐದು ಮಂದಿಯ ತಂಡ ಅಲ್ತಾಫ್ ರನ್ನು ಅವರ ಮನೆಯಿಂದ ಕಾರಿನಲ್ಲಿ ಅಪಹರಿಸಿತ್ತು. ಅಲ್ತಾಫ್ ರ ಜತೆಗೆ ಶಬೀರ್ನ ಮಗುವನ್ನೂ ತಂಡ ಅಪಹರಣಗೈದಿತ್ತು. ಆದರೆ ಮಗುವನ್ನು ತಂಡ ಸಂಬಂಧಿಕರ ಮನೆಯೊಂದರಲ್ಲಿ ನಿಲ್ಲಿಸಿ ಪರಾರಿಯಾಗಿತ್ತು.

  ಬಳಿಕ ಅಲ್ತಾಫ್ ರನ್ನು ಕಾರಿನಲ್ಲಿ ಕೊಂಡೊಯ್ದ ತಂಡ ಆಕ್ರಮಿಸಿ ಗಾಯಗೊಳಿಸಿ ಕೈಯ ನರವನ್ನು ಕತ್ತರಿಸಿತ್ತು. ಗಂಭೀರ ಸ್ಥಿತಿಯಲ್ಲಿದ್ದ ಅವರನ್ನು ಮಂಗಳೂರಿನ ಆಸ್ಪತ್ರೆಯೊಂದರ ವರಾಂಡದಲ್ಲಿ ಉಪೇಕ್ಷಿಸಿ ಪರಾರಿಯಾಗಿತ್ತು. ಗಂಭೀರ ಸ್ಥಿತಿಯಲ್ಲಿದ್ದ ಅಲ್ತಾಫ್ರನ್ನು ಮತ್ತೊಂದು ಆಸ್ಪತ್ರೆಗೆ ಕರೆದೊಯ್ದು ಚಿಕಿತ್ಸೆ ನೀಡಿದರೂ ಪ್ರಯೋಜನವಾಗದೆ ಇಂದು ಮಧ್ಯಾಹ್ನ ವೇಳೆ ಅವರು ಮೃತಪಟ್ಟಟ್ಟಿದ್ದಾರೆ ಎಂದು ತಿಳಿದು ಬಂದಿದೆ.

  ಅಪಹರಣ ಪ್ರಕರಣಕ್ಕೆ ಸಂಬಂಧಿಸಿ ಕುಂಬಳೆ ಪೊಲೀಸರು ಕೇಸು ದಾಖಲಿಸಿ ತಂಡದ ಪತ್ತೆಗಾಗಿ ಶೋಧ ನಡೆಸುತ್ತಿದ್ದಂತೆ ಶಬೀರ್ ಉಳ್ಳಾಲ ಸೇತುವೆ ಬಳಿ ಪೊಲೀಸರಿಂದ ಕೂದಲೆಳೆ ಅಂತರದಲ್ಲಿ ಓಡಿ ಪರಾರಿಯಾಗಿದ್ದಾನೆ. ಆತನಿಗಾಗಿ ಶೋಧ ನಡೆಸಲಾಗುತ್ತಿದೆ.