ಉಡುಪಿ:ಚಲಿಸುತ್ತಿದ್ದ ದ್ವಿಚಕ್ರ ವಾಹನದಲ್ಲಿ ಬೆಂಕಿ ಅವಘಡ

•   Sat, Jun 22 2019 10:51:16 PM



• ಉಡುಪಿ, ಜೂ 22 (Daijiworld News/SM): ಚಲಿಸುತ್ತಿದ್ದ ಆಕ್ಟಿವಾವೊಂದು ಕ್ಷಣಾರ್ಧದಲ್ಲಿ ಸುಟ್ಟು ಭಸ್ಮವಾದ ಘಟನೆ ಉಡುಪಿಯ ಇಂದ್ರಾಳಿ ರೈಲ್ವೆ ಬ್ರಿಡ್ಜ್‌ ಬಳಿ ನಡೆದಿದೆ.

  

  ಮಣಿಪಾಲ ನಿವಾಸಿ ಶಂಕರ್ ಅವರು ತಮ್ಮ ಸ್ನೇಹಿತರ ಹೋಂಡಾ ಆಕ್ಟಿವಾದಿಂದ ಮನೆ ಕಡೆ ಹೋಗುವ‌ ಸಂದರ್ಭ ಶಾರ್ಟ್ ಸರ್ಕ್ಯೂಟ್ ನಿಂದ ಆಕ್ಟಿವಾ ವಾಹನದಲ್ಲಿ‌ ಬೆಂಕಿ ಕಾಣಿಸಿದೆ.

  ವಾಹನಕ್ಕೆ ಬೆಂಕಿ ಹತ್ತುತ್ತಿದ್ದಂತೆ ಆಕ್ಟಿವಾ ನಿಲ್ಲಿಸಿದ ಸವಾರ ಶಂಕರ್ ಬೆಂಕಿ ನಂದಿಸಲು ಪ್ರಯತ್ನ ಪಟ್ಟಿದ್ದಾರೆ. ಆದರೆ, ಅಷ್ಟೋತ್ತಿಗೆ ಬೆಂಕಿ ಸಂಪೂರ್ಣವಾಗಿ ಆಕ್ಟಿವಾವನ್ನು ಅವರಿಸಿದೆ. ಈ ವೇಳೆ ಪೆಟ್ರೋಲ್ ಟ್ಯಾಂಕ್ ಬ್ಲಾಸ್ಟ್ ಗೊಂಡಿದೆ. ತಕ್ಷಣ ಎಚ್ಚೆತ್ತ ಸ್ಥಳೀಯರು ಬೆಂಕಿ ನಂದಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

  ಬಳಿಕ ಉಡುಪಿ ನಗರ ಠಾಣಾ ಪೊಲೀಸರು ಸ್ಥಳಕ್ಕೆ ಆಗಮಿಸಿ ಪರಿಶೀಲನೆ ನಡೆಸಿದ್ದಾರೆ.