ಕುಂದಾಪುರ: ಪತ್ತೆಯಾದವು ಕಳವಾದ 5 ಗೋವುಗಳು

•   Fri, Jun 21 2019 09:04:01 PM



• ಕುಂದಾಪುರ, ಜೂ 21 (Daijiworld News/SM): ಬೈಂದೂರು ಠಾಣಾ ವ್ಯಾಪ್ತಿಯಲ್ಲಿ ಇತ್ತೀಚೆಗೆ ಕಳವುಗೊಂಡ ಗೋವುಗಳನ್ನು ಪತ್ತೆ ಹಚ್ಚುವಲ್ಲಿ ಪೊಲೀಸರು ಯಶಸ್ವಿಯಾಗಿದ್ದಾರೆ. ಕಳ್ಳತನ ಪ್ರಕರಣ ನಡೆದು ಎರಡೇ ದಿನದಲ್ಲಿ ಗೋವುಗಳನ್ನು ಜೀವಂತವಾಗಿ ಪೊಲೀಸರು ಪತ್ತೆ ಹಚ್ಚಿರುವುದು ಎಲ್ಲೆಡೆ ಪ್ರಶಂಸೆಗೆ ಪಾತ್ರವಾಗಿದೆ.

  

  

  

  ಬೈಂದೂರು ಸಮೀಪದ ಯಳಜಿತ್ ಎಂಬಲ್ಲಿಯ ದಾರು ಗೌಡ್ತಿಯವರ ಮನೆಯ ಎರಡು ದನಗಳು, ಅದೇರೀತಿ ಪಾರ್ವತಿ ಎಂಬವರ ಮನೆಯಿಂದ ಮೂರು ದನಗಳು ಸೇರಿದಂತೆ ಒಟ್ಟು ಐದು ದನಗಳನ್ನು ಮಂಗಳವಾರ ತಡರಾತ್ರಿಯ ಸಮಯದಲ್ಲಿ ದುಷ್ಕರ್ಮಿಗಳು ಹಟ್ಟಿಯಿಂದಲೇ ಕದ್ದೋಯ್ದಿದ್ದರು ಈ ಸಂಬಂದ ಬೈಂದೂರು ಠಾಣೆಯಲ್ಲಿ ಪ್ರಕರಣ ಕೂಡಾ ದಾಖಲಾಗಿತ್ತು.

  ಕಳವಾಗಿರುವ ದನಗಳು ಕುಂದಾಪುರ ಕಂಡ್ಳೂರಿನ ನದೀಮ್ ಎಂಬವರ ಮನೆ ಸಮೀಪದಲ್ಲಿ ಕಟ್ಟಿಹಾಕಲಾಗಿದೆ ಎಂಬ ಮಾಹಿತಿ ಬೈಂದೂರು ಪೋಲಿಸರಿಗೆ ದೊರೆತಿದ್ದು, ಸ್ಥಳಕ್ಕೆ ದೌಡಾಯಿಸಿದ ಪೋಲಿಸರು ಕಳವಾದ ದನಗಳನ್ನು ಮರಳಿ ಮಾಲಿಕರಿಗೆ ಒಪ್ಪಿಸುವಲ್ಲಿ ಯಶಸ್ವಿಯಾಗಿದ್ದಾರೆ.

  ಇನ್ನು ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಗಳ ಪತ್ತೆಗಾಗಿ ಪೋಲಿಸರು ಬಲೆ ಬೀಸಿದ್ದು, ತನಿಖೆ ಮುಂದುವರೆದಿದೆ.