ಮಂಗಳೂರು: ಡ್ರಗ್ಸ್ ಮಾರಾಟ ಮಾಡುತ್ತಿದ್ದ ಪ್ರಮುಖ ಆರೋಪಿಯ ಬಂಧನ

•   Thu, Jun 20 2019 02:39:16 PM



• ಮಂಗಳೂರು, ಜೂ20(Daijiworld News/SS): ನಗರದಲ್ಲಿ ಮಾದಕ ವಸ್ತು ಶೇಖರಿಸಿಟ್ಟುಕೊಂಡು ಮಾರಾಟಗಾರರಿಗೆ ನೀಡಿ ಜಾಲವನ್ನು ವಿಸ್ತರಿಸುತ್ತಿದ್ದ ಪ್ರಮುಖ ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ.

  

  
  ಮಂಗಳೂರು ಸಮೀಪದ ಬೋಳೂರಿನ ಮೊನೀಶ್ (36) ಬಂಧಿತ ಆರೋಪಿ.

  ಈತನಿಂದ 1,60,000 / - ಮೌಲ್ಯದ 16 ಗ್ರಾಂ ಕೊಕೇನ್ ಮತ್ತು ಕೊಕೇನ್ ತೂಕ ಮಾಡಲು ಬಳಸುತ್ತಿದ್ದ ಒಂದು ಸಣ್ಣ ತೂಕದ ಯಂತ್ರ, ರೂ. 80,000 ನಗದು, ಒಂದು ಸ್ಕೂಟರ್, 2 ಮೊಬೈಲ್ ಫೋನ್ ವಶಪಡಿಸಿಕೊಳ್ಳಲಾಗಿದೆ.

  ಆರೋಪಿ ಗೋವಾದಿಂದ ಮಾದಕ ವಸ್ತುಗಳನ್ನು ಖರೀದಿಸಿ ನಗರದಲ್ಲಿ ಮಾರಾಟ ಮಾಡುತ್ತಿದ್ದ ಎನ್ನಲಾಗಿದೆ.

  ಈ ಮಾದಕ ವಸ್ತು ಮಾರಾಟ ಜಾಲದ ಹಿಂದೆ ಹಲವರು ಭಾಗಿಯಾಗಿರುವ ಶಂಕೆ ವ್ಯಕ್ತವಾಗಿದ್ದು, ತನಿಖೆ ಮುಂದುವರೆದಿದೆ.