ಉಡುಪಿ: ರಿಕ್ಷಾಕ್ಕೆ ಮುಖಾಮುಖಿ ಢಿಕ್ಕಿಯಾದ ಬಸ್- ಇಬ್ಬರಿಗೆ ಗಂಭೀರ ಗಾಯ

•   Wed, Jun 19 2019 10:42:30 AM



• ಉಡುಪಿ,ಜೂ 19 (Daijiworld News/MSP): ರಿಕ್ಷಾಕ್ಕೆ ಖಾಸಗಿ ಬಸ್ಸು ಡಿಕ್ಕಿ ಹೊಡೆದ ಪರಿಣಾಮ ಇಬ್ಬರೂ ಗಾಯಗೊಂಡ ಘಟನೆ ಉಡುಪಿಯ ಕೊರಂಗ್ರಪಾಡಿ ಜಂಕ್ಷನ್ ಬಳಿ ಬುಧವಾರ ನಡೆದಿದೆ. 

  

  ಶಾಲೆಗೆಂದು ಮಗನನ್ನು ಕರೆದುಕೊಂಡು ಹೋಗುತ್ತಿದ್ದ ರಿಕ್ಷಾಕ್ಕೆ ಉಡುಪಿಯಿಂದ ಕಾರ್ಕಳ ಕಡೆ ತೆರಳುತ್ತಿದ್ದ ಖಾಸಗಿ ಬಸ್ ಖಾಸಗಿ ಬಸ್ಸು ಡಿಕ್ಕಿ ಹೊಡೆದ ಪರಿಣಾಮ ತಂದೆ - ಮಗ ಇಬ್ಬರೂ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

  ಬುಧವಾರ ಬೆಳಿಗ್ಗೆ ಎಂಟು ಗಂಟೆಗೆ ವೇಳೆಗೆ ಬುಡ್ನಾರು ನಿವಾಸಿ ರಿಯಾಜ್ ಅವರು ತಮ್ಮ ಮಗನನ್ನು ವಿಶೇಷ ತರಗತಿ ಎಮ್‌ಇ ಟಿ ಉದ್ಯಾವರ ಶಾಲೆಗೆ ಕರೆದುಕೊಂಡು ಹೋಗುತ್ತಿರುವ ಸಂದರ್ಭ ಕೊರಂಗ್ರಪಾಡಿ ಜಂಕ್ಷನ್ ತಿರುವಿನಲ್ಲಿ ಮುಖಾಮುಖಿ ಡಿಕ್ಕಿ ಹೊಡೆದಿದೆ. ಪರಿಣಾಮ ರಿಕ್ಷಾದಲ್ಲಿದ್ದ ತಂದೆ-ಮಗ ತೀವ್ರ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.