ಮಂಜೇಶ್ವರ: ಯುವಕನ ಕೊಲೆ ಯತ್ನ - ಮೂವರ ಬಂಧನ

•   Tue, Jun 18 2019 03:38:46 PM



• ಕಾಸರಗೋಡು, ಜೂ 18 (Daijiworld News/MSP): ಜೂನ್ 8ರಂದು ಯುವಕನೋರ್ವನನ್ನು ಮಚ್ಚಿನಿಂದ ಕಡಿದು ಕೊಲೆಗೆ ಯತ್ನಿಸಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಮೂವರು ಆರೋಪಿಗಳನ್ನು ಮಂಜೇಶ್ವರ ಪೊಲೀಸರು ಬಂಧಿಸಿದ್ದಾರೆ.

  

  ಬಂಧಿತರನ್ನು ಬಾಯಾರು ಪದವಿನ ಅಬೂಬಕ್ಕರ್ ಸಿದ್ದಿಕ್ (26), ಮಿತ್ತನಡ್ಕ ದ ಇಬ್ರಾಹಿಂ ಖಲೀಲ್ ( 23) ಮತ್ತು ಅಬ್ದುಲ್ ನವಾಫ್ (21) ಎಂದು ಗುರುತಿಸಲಾಗಿದೆ.

  ಘಟನೆ ವಿವರ:
  ಐದು ತಿಂಗಳ ಹಿಂದೆ ಅಂದರೆ ಜ.3 ರಂದು ಬಾಯಾರು ಮುಳಿಗದ್ದೆಯಲ್ಲಿ ಮದ್ರಸ ಅಧ್ಯಾಪಕ ಕರೀಂ ಮುಸ್ಲಿಯಾರ್ ರವರ ಕೊಲೆಗೆತ್ನಿಸಿದ ಆರೋಪಿಯಾಗಿದ್ದ ಪ್ರಸಾದ್ (26) ಎಂಬಾಟ ಜೂ.8 ರ ರಾತ್ರಿ ಕೇರಳ - ಕರ್ನಾಟಕ ಗಡಿ ಪ್ರದೇಶದ ಪೆರ್ವೋಡಿ ನಡೆದುಕೊಂಡು ಹೋಗುತ್ತಿದ್ದಾಗ ಬೈಕಿನಲ್ಲಿ ಆಗಮಿಸಿದ ನಾಲ್ವರ ತಂಡವೊಂದು ಮಚ್ಚಿನಿಂದ ಕಡಿದು ಕೊಲೆಗೆ ಆತನ ಕೊಲೆಗೆ ಯತ್ನಿಸಿತ್ತು.

  ಗಂಭೀರ ಗಾಯಗೊಂಡ ಯುವಕನನ್ನು ಪುತ್ತೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮಂಜೇಶ್ವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.