ಗೇರುಕಟ್ಟೆ: ತಲವಾರು ದಾಳಿ -ನಾಲ್ವರು ಗಂಭೀರ

•   Tue, Dec 05 2017 10:23:36 AM



• 
  ಬೆಳ್ತಂಗಡಿ, ಡಿ 05 : ಎರಡು ಗ್ಯಾಂಗ್ ನಡುವೆ ಘರ್ಷಣೆ ಉಂಟಾಗಿ, ಓರ್ವ ಗಂಭೀರ ಗಾಯಗೊಂಡ ಘಟನೆ ಬೆಳ್ತಂಗಡಿ ತಾಲೂಕಿನ ಕಳಿಯ ಗ್ರಾಮದ ಗೇರುಕಟ್ಟೆಯ ಎಂಬಲ್ಲಿ ಡಿ4 ರ ತಡರಾತ್ರಿ ನಡೆದಿದೆ.ದಾಳಿಯಲ್ಲಿ 4 ಮಂದಿ ಗಂಭೀರ ಗಾಯಗೊಂಡಿದ್ದಾರೆ. ಸಾರ್ವಜನಿಕರು ಓಡಾಡ್ತ ಇರುವಾಗಲೇ ಘಟನೆ ನಡೆದಿದ್ದು, ಒಂದು ಗುಂಪಿನ 5 ಜನರ ಮೇಲೆ ಇನ್ನೊಂದು ಗುಂಪಿನ 8 ಜನರ ತಂಡ ಲಾಂಗ್ ಮಚ್ಚುಗಳಿಂದ ಅಟ್ಯಾಕ್ ಮಾಡಿದೆ. ಈ ವೇಳೆ ಅಲ್ಲಿದ್ದ ಸಾರ್ವಜನಿಕರು ದಿಕ್ಕಪಾಲಾಗಿ ಓಡಿದ್ದಾರೆ.

  ಗೇರುಕಟ್ಟೆಯ ನಿವಾಸಿಗಳಾದ ತಸ್ಲಿಂ, ಹಾರಿಸ್,ಸಿಯಾಬ್, ಹಮೀದ್ ಹಾಗೂ ಇತರ ಇಬ್ಬರು ಗಾಯಗೊಂಡಿದ್ದು ಈ ಪೈಕಿ ಗಂಭೀರ ಗಾಯಗೊಂಡ ನಾಲ್ವರನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಕಪ್ಪೆಟ್ಟಿಯ ಯಾಕೂಬ್ ಮತ್ತು ಅವರ ತಂಡದವರಾದ ಹೈದರ್ ಆದಂಸಾಫಿ, ಅಬೂಬಕ್ಕರ್, ರಿಜ್ವಾನ್,ಇರ್ಪಾನ್, ರವೂಫ್, ಉಮರಬ್ಬ ಹಾಗೂ ಇತರ ೪ ಮಂದಿ ಈ ಹಲ್ಲೆ ನಡೆಸಿದ್ದಾರೆ ಎಂದು ದೂರಲಾಗಿದೆ. ಕ್ಷುಲಕ ವಿವಾದ ಈ ಹಲ್ಲೆಗೆ ಕಾರಣ ಎನ್ನಲಾಗಿದ್ದೆ. ಕ್ರಿಕೆಟ್ ಆಟ ಮುಗಿಸಿ ಬಂದು ಬಸ್ ನಿಲ್ದಾಣದ ಬಳಿ ಇದ್ದ ತಂಡಕ್ಕೆ ಏಕಾಏಕಿ ತಲವಾರು ದಾಳಿ ನಡೆಸಲಾಗಿದೆ.ಬೆಳ್ತಂಗಡಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.