ಬೆಳ್ತಂಗಡಿ: 60 ಅಡಿ ಆಳದ ಬಾವಿಗೆ ಬಿದ್ದ ವೃದ್ದನ ರಕ್ಷಣೆ

•   Sat, Jun 15 2019 08:17:34 PM



• ಬೆಳ್ತಂಗಡಿ, ಜೂ 15 (Daijiworld News/SM): ಬಾವಿಗೆ ಬಿದ್ದ ವೃದ್ಧನನ್ನು ರಕ್ಷಿಸಿದ ಘಟನೆ ಬೆಳ್ತಂಗಡಿಯ ಸೋಣಂದೂರು ಗ್ರಾಮದಲ್ಲಿ ಶನಿವಾರ ನಡೆದಿದೆ. ಕುವೆಟ್ಟು ಗ್ರಾಮದ ಅಳಂದಿಲ ನಿವಾಸಿ ಯೂಸಫ್(75) ರಕ್ಷಿಸಲ್ಪಟ್ಟ ವ್ಯಕ್ತಿಯಾಗಿದ್ದಾರೆ.

  
  
  ಸಾಂದರ್ಭಿಕ ಚಿತ್ರ

  ಯೂಸಫ್, ಶನಿವಾರ ಬೆಳಗ್ಗೆ 3.30ಕ್ಕೆ 60 ಅಡಿ ಅಳದ ಬಾವಿಗೆ ಬಿದ್ದಿದ್ದಾರೆ. ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದ ಅವರು ರಾತ್ರಿ ಮನೆ ಮಂದಿ ಮಲಗಿದ್ದ ಬಳಿಕ ಬಾಗಿಲು ಒಡೆದು ಸುಮಾರು 2 ಕಿ.ಮೀ. ದೂರ ಕ್ರಮಿಸಿ ಸೋಣಂದೂರು ಸಮೀಪದಲ್ಲಿ ಆಯತಪ್ಪಿ ಬಾವಿಗೆ ಬಿದ್ದಿದ್ದಾರೆ.

  ವಿಷಯ ತಿಳಿದ ತಕ್ಷಣ ಸ್ಥಳೀಯರು ಬೆಳ್ತಂಗಡಿ ಆಗ್ನಿಶಾಮಕ ದಳಕ್ಕೆ ಮಾಹಿತಿ ರವಾನಿಸಿದ್ದಾರೆ. ಸ್ಥಳಕ್ಕಾಗಮಿಸಿದ ಸಿಬ್ಬಂದಿಗಳು ವೃದ್ದನನ್ನು ರಕ್ಷಣೆ ಮಾಡಿದ್ದು, ಬಾವಿಯಿಂದ ಮೇಲಕ್ಕೆತ್ತಿದ್ದಾರೆ.

  ಇನ್ನು ಘಟನೆಯಲ್ಲಿ ಕೈಗೆ ಹೆಚ್ಚಿನ ಗಾಯವಾಗಿದ್ದು, ಮಂಗಳೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.