ಮಂಗಳೂರು: ಜನ್ಮಜಾತ ಹೃದಯದೋಷಕ್ಕೆ ಶಸ್ತ್ರಚಿಕಿತ್ಸೆಯಿಲ್ಲದ ಯಶಸ್ವಿ ಚಿಕಿತ್ಸೆ; ಎ.ಜೆ. ಆಸ್ಪತ್ರೆಯ ವಿಶೇಷ ಸಾಧನೆ

•   Fri, Jan 31 2025 05:42:40 PM



• ಮಂಗಳೂರು, ಜ.31 (DaijiworldNews/AA): ಎ.ಜೆ. ಆಸ್ಪತ್ರೆಯಲ್ಲಿ ಹೊಸದಾಗಿ ಹುಟ್ಟಿದ ಶಿಶುವಿಗೆ ತೀವ್ರ ಪಲ್ಮೊನರಿಸ್ಟೆನೋಸಿಸ್ ಗೆ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಲೋವರ್ ಸೆಗ್ಮೆಂಟ್ ಸಿಸೇರಿಯನ್ (LSCS) ಮೂಲಕ ಜನಿಸಿದ ಶಿಶುವಿಗೆ, ಜನ್ಮಜಾತ ಹೃದಯ ದೋಷಗಳಿಗೆ ಶಸ್ತ್ರಚಿಕಿತ್ಸೆಯಿಲ್ಲದ ಚಿಕಿತ್ಸೆಯಲ್ಲಿ ಪರಿಣತಿಯನ್ನು ಹೊಂದಿರುವ ಖ್ಯಾತ ಪೀಡಿಯಾಟ್ರಿಕ್ ಕಾರ್ಡಿಯಾಲಜಿಸ್ಟ್ ಡಾ. ಪ್ರೇಮ್ ಆಳ್ವ ಅವರಿಂದ ವಿಶೇಷ ಬಲೂನ್ ಪಲ್ಮೊನರಿವಾಲ್ವುಲೋಪ್ಲಾಸ್ಟಿ (ಬಿಪಿವಿ) ಕಾರ್ಯವಿಧಾನವನ್ನು ಯಶಸ್ವಿಯಾಗಿ ನಡೆಸಿದರು.

  ಗರ್ಭಾವಸ್ಥೆಯಲ್ಲೇ ಜನ್ಮಜಾತ ಹೃದಯರೋಗ ಪತ್ತೆಯಾಗಿತ್ತು. ತಕ್ಷಣದ ಶಸ್ತ್ರಚಿಕಿತ್ಸೆಗೆ ಪ್ರಕರಣವನ್ನು ತೆಗೆದುಕೊಳ್ಳಲಾಯಿತು. ಡಾ. ಆರ್ಥಿಕಾ ಶೆಟ್ಟಿ ಅವರು ಸಿಸೇರಿಯನ್ ವಿಧಾನದ ಮೂಲಕ ಯಶಸ್ವಿಯಾಗಿ ಶಸ್ತ್ರಚಿಕಿತ್ಸೆ ನಡೆಸಿ, ಶಿಶುವಿನ ಸುರಕ್ಷಿತ ಹೆರಿಗೆಯನ್ನು ನಡೆಸಿದರು.

  ಶಿಶು ವೈದ್ಯರಾದ ಡಾ. ಶ್ರೀಕೃಷ್ಣ ಜಿಎನ್ ಅವರು ಆರಂಭಿಕ ನಿರ್ವಹಣೆ ಮತ್ತು ನಿರಂತರ ಆರೈಕೆಯಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಬಿಪಿವಿ ಕಾರ್ಯವಿಧಾನವು ಡಾ. ಪ್ರೇಮ್ ಆಳ್ವ ಅವರ ನಿಪುಣತೆಯಿಂದ ಅತ್ಯಂತ ಯಶಸ್ವಿಯಾಗಿ ನಡೆಯಿತು. ಇದರಿಂದ ಶಿಶುವಿಗೆ ತೆರೆದ ಹೃದಯ ಶಸ್ತ್ರಚಿಕಿತ್ಸೆಯ ಅಗತ್ಯವನ್ನು ತಪ್ಪಿಸಲು ಸಾಧ್ಯವಾಯಿತು.

  ಹೃದ್ರೋಗ ಅರಿವಳಿಕೆ ತಜ್ಞ ಡಾ. ಸುಹಾಸ್, ಪ್ರಕ್ರಿಯೆಯ ಸಮಯದಲ್ಲಿ ನಿರ್ಣಾಯಕ ಪಾತ್ರವನ್ನು ವಹಿಸಿದರು. ಶಿಶುವಿನ ಸ್ಥಿರತೆ ಮತ್ತು ಸುರಕ್ಷತೆಯನ್ನು ಅವರು ನಿರಂತರವಾಗಿ ಕಾಪಾಡಿಕೊಂಡರು. ಪ್ರಕ್ರಿಯೆಯ ನಂತರದ ಚೇತರಿಕೆ ಅದ್ಭುತವಾಗಿದ್ದು, ಶಿಶು ಉತ್ತಮ ಪ್ರಗತಿಯನ್ನು ತೋರಿಸುತ್ತಿದ್ದು, ಆರೋಗ್ಯವಂತಿಕೆಯಿಂದ ಬೆಳೆಯುತ್ತಿದೆ.

  ಡಾ. ಅಕ್ಷತಾ ಶೆಟ್ಟಿ, ಇಂಟೆನ್ಸಿವಿಸ್ಟ್, ಶಿಶುವಿನ ಸ್ಥಿರತೆಯನ್ನು ಕಾಪಾಡಿಕೊಳ್ಳುವಲ್ಲಿ ಮತ್ತು ಚೇತರಿಕೆ ಪ್ರಕ್ರಿಯೆಯನ್ನು ಯಶಸ್ವಿಯಾಗಿನಿರ್ವಹಿಸುವಲ್ಲಿ ಪ್ರಮುಖ ಪಾತ್ರ ವಹಿಸಿದರು. ಎ.ಜೆ. ಆಸ್ಪತ್ರೆಯ ವೈದ್ಯಕೀಯ ತಂಡದ ಎಲ್ಲ ಸದಸ್ಯರ ಸಹಕಾರವು ಸಹಾನುಭೂತಿಯನ್ನೂ, ಆರೈಕೆಯತ್ತ ಅವರ ಬದ್ಧತೆಯನ್ನು ತೋರಿಸಿದೆ. ಕ್ಯಾಥ್ ಲ್ಯಾಬ್ತಂಡವು ಬಿಪಿವಿ ಪ್ರಕ್ರಿಯೆಯ ಯಶಸ್ಸನ್ನು ಸಾಧಿಸಲು ಅಪೂರ್ವ ಸಮನ್ವಯ ಮತ್ತು ಪರಿಣತಿಯನ್ನು ತೋರಿಸಿತು. ಪಿಐಸಿಯು ತಂಡವು ಶಸ್ತ್ರಚಿಕಿತ್ಸೆಯ ನಂತರದ ಅತ್ಯುತ್ತಮ ಸುಧಾರಿತ ಆರೈಕೆಯನ್ನು ಮತ್ತು ನಿರಂತರ ನಿಗಾ ವ್ಯವಸ್ಥೆಯನ್ನು ಒದಗಿಸಿತು.

  ಈ ಗಮನಾರ್ಹ ಪ್ರಕರಣವು ಜನ್ಮಜಾತ ಹೃದಯ ದೋಷಗಳಿಗೆ ಶಸ್ತ್ರಚಿಕಿತ್ಸೆಯಲ್ಲದ ಚಿಕಿತ್ಸೆಗಳು ಹೆಚ್ಚು ಪರಿಣಾಮಕಾರಿಯಾಗುತ್ತಿವೆ ಎಂಬುದನ್ನು ತೋರಿಸುತ್ತದೆ. ಇದೇ ರೀತಿಯ ಸವಾಲುಗಳನ್ನು ಎದುರಿಸುತ್ತಿರುವ ಕುಟುಂಬಗಳಿಗೆ ಭರವಸೆಯನ್ನು ತರುತ್ತದೆ. ಇದು ಡಾ. ಪ್ರೇಮ್ ಆಳ್ವ ಮತ್ತು ಅವರ ತಂಡದ ಸಮರ್ಪಣೆ ಮತ್ತು ಪರಿಣತಿಗೆ ಸಾಕ್ಷಿಯಾಗಿದೆ.