ಸುರತ್ಕಲ್: ಗ್ಯಾಸ್ ಸೋರಿಕೆಯಾಗಿ ರೆಫ್ರಿಜರೇಟರ್ ಸ್ಪೋಟ - ಮಹಿಳೆ ಗಂಭೀರ

•   Tue, Jun 11 2019 09:43:36 AM



• ಸುರತ್ಕಲ್‌, ಜೂ 11 (Daijiworld News/MSP): ಮನೆಯಲ್ಲಿದ್ದ ರೆಪ್ರಿಜರೇಟರ್‌ನ ಗ್ಯಾಸ್ ಸೋರಿಕೆಯಾದ ಹಿನ್ನಲೆಯಲ್ಲಿ ರೆಪ್ರಿಜರೇಟರ್‌ ಸ್ಫೋಟಗೊಂಡು ಮಹಿಳೆಯೋರ್ವರು ಗಂಭೀರ ಗಾಯಗೊಂಡ ಘಟನೆ ಕೃಷ್ಣಾಪುರ 4ನೇ ಬ್ಲಾಕಿನಲ್ಲಿ ಜೂ.೧೦ ಸೋಮವಾರ ಸಂಭವಿಸಿದೆ.

  

  

  

  

  ಗಾಯಗೊಂಡಿರುವ ಫರ್ಝಾನ (33) ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಪತಿ ಸಿದ್ದೀಕ್‌ ಹಾಗೂ 1 ವರ್ಷದ ಮಗು ಸಣ್ಣ ಪುಟ್ಟ ಗಾಯಗಳೊಂದಿಗೆ ಪಾರಾಗಿದ್ದಾರೆ.

  ಸಿದ್ದೀಕ್‌ ಅವರು ಕುಟುಂಬ ಸಹಿತ ಬಾಡಿಗೆ ಮನೆಯಲ್ಲಿ ವಾಸವಿದ್ದು, ಫರ್ಝಾನ ಸೋಮವಾರ ಬೆಳಗ್ಗೆ ಅಡುಗೆ ಮನೆಯಲ್ಲಿ ಗ್ಯಾಸ್‌ ಹೊತ್ತಿಸಲು ಬಂದಾಗ ಅವಘಡ ಸಂಭವಿಸಿದೆ. ಸ್ಫೋಟದ ತೀವ್ರತೆಗೆ ಮನೆಯ ಸಾಮಾನು ಸುಟ್ಟು ಕರಶಲಾಗಿದ್ದು, ಲಕ್ಷಾಂತರ ರೂ. ನಷ್ಟ ಸಂಭವಿಸಿದೆ. ಮೇಲ್ಭಾವಣಿಯ ಹಂಚುಗಳು ಭಾಗಶಃ ಹಾರಿ ಹೋಗಿವೆ.

  ಅಗ್ನಿಶಾಮಕ ದಳದ ಸಿಬಂದಿ ಬೆಂಕಿ ನಂದಿಸಿದರು. ಸುರತ್ಕಲ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.