ಕಡಬ: ಅಕ್ರಮ ಮರಳು ಸಾಗಾಟದ ಟಿಪ್ಪರ್ ಲಾರಿ ಪೊಲೀಸರ ವಶಕ್ಕೆ

•   Mon, Oct 28 2024 11:54:17 AM



• ಕಡಬ, ಅ.28(DaijiworldNews/AA): ಅಕ್ರಮವಾಗಿ ಮರಳು ಸಾಗಾಟ ಮಾಡುತ್ತಿದ್ದ ಟಿಪ್ಪರ್ ಲಾರಿಯನ್ನು ಪೊಲೀಸರು ಚೇಸ್ ಮಾಡಿ ಹಿಡಿದ ಘಟನೆ ಸೋಮವಾರ ಮುಂಜಾನೆ ಕಡಬದಲ್ಲಿ ನಡೆದಿದೆ.

  ಪರಿಶೀಲನೆ ವೇಳೆ ಲಾರಿ ಚಾಲಕನ ಬಳಿ ಮರಳು ಸಾಗಾಣಿಕೆ ಪರ್ಮಿಟ್ ಇರಲಿಲ್ಲ ಎನ್ನಲಾಗಿದೆ. ಅಕ್ರಮವಾಗಿ ಮರಳು ಸಾಗಾಟ ಮಾಡುವ ವೇಳೆ ಪೊಲೀಸರನ್ನು ಕಂಡ ಚಾಲಕ ತಪ್ಪಿಸಿಕೊಳ್ಳಲು ಯತ್ನಿಸಿದ್ದ. ತಪ್ಪಿಸಿಕೊಳ್ಳುವ ಭರದಲ್ಲಿ ಇಲ್ಲಿನ ಪೆಟ್ರೋಲ್ ಪಂಪ್ ಒಳಗೆ ಲಾರಿಯನ್ನು ಚಾಲಕ ನುಗ್ಗಿಸಿದ್ದ. ಅಂತಿಮವಾಗಿ ಲಾರಿಯನ್ನು ಮರಳು ಸಹಿತ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.