ಮಂಗಳೂರು : ಉಭಯ ಜಿಲ್ಲೆಯ ಛಾಯಾಗ್ರಾಹಕರಿಗಾಗಿ ಒಂದು ದಿನದ ವಿಡಿಯೋ ಕಾರ್ಯಾಗಾರ

•   Tue, Oct 15 2024 03:51:27 PM



• ಮಂಗಳೂರು,ಅ.15(DaijiworldNews/TA):ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ದಕ್ಷಿಣ ಕನ್ನಡ -- ಉಡುಪಿ ಜಿಲ್ಲೆ ಇದರ ಮಂಗಳೂರು ವಲಯದ ವತಿಯಿಂದ ಉಭಯ ಜಿಲ್ಲೆಯ ಛಾಯಾಗ್ರಾಹಕರಿಗಾಗಿ ಒಂದು ದಿನದ ವಿಡಿಯೋ ಕಾರ್ಯಾಗಾರವನ್ನು ಸಹೋದಯ ಹಾಲ್ ಬಲ್ಮಠ ಮಂಗಳೂರಿನಲ್ಲಿ ನಡೆಸಲಾಯಿತು.

  

  

  

  ಈ ಕಾರ್ಯಾಗಾರವನ್ನು ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಶ್ರೀ ದಯಾನಂದ ಬಂಟ್ಟಾಳ್ ಉದ್ಘಾಟಿಸಿ ಶುಭ ಹಾರೈಸಿದರು. ವೇದಿಕೆಯಲ್ಲಿ ಜಿಲ್ಲಾ ಮಾಜಿ ಸಂಚಾಲಕರಾದ ವಿಠಲ ಚೌಟ , ಜಿಲ್ಲಾ ಉಪಾಧ್ಯಕ್ಷರಾದ ರಮೇಶ್ ಕಲಾಶ್ರೀ, ಜಿಲ್ಲಾ ಛಾಯಾ ಕಾರ್ಯದರ್ಶಿ ರವಿ ಮಾನಸ, ಜಿಲ್ಲಾ ಕಟ್ಟಡ ಸಮಿತಿಯ ಅಧ್ಯಕ್ಷರಾದ ಆನಂದ್ ಬಂಟ್ವಾಳ, ವಲಯದ ಪ್ರಧಾನ ಕಾರ್ಯದರ್ಶಿ ಅಜಯ್ ಮಂಗಳೂರು, ಗೌರವಾಧ್ಯಕ್ಷರಾದ ಪದ್ಮನಾಭ ಸುವರ್ಣ, ಛಾಯಾ ಕಾರ್ಯದರ್ಶಿ ವಿಶಾಲ್ ವಾಮಂಜೂರ್, ಕ್ರೀಡಾ ಕಾರ್ಯದರ್ಶಿ ಮುರಳಿ ಕುಮಾರ್ ಉಪಸ್ಥಿತರಿದ್ದರು.

  ಇದೇ ಸಂದರ್ಭದಲ್ಲಿ ಕಾರ್ಯಗಾರದ ಸಂಪನ್ಮೂಲ ವ್ಯಕ್ತಿಯವರಾದ ಸುಮಂತ್ ಸುವರ್ಣರವರನ್ನು ಅಭಿನಂದಿಸಿ ಗೌರವಿಸಲಾಯಿತು.
  ಪ್ರಾರ್ಥನೆಯನ್ನು ನವೀನ್ ಕೋಡಿಕಲ್ ರವರು ನೆರವೇರಿಸಿ, ಅತಿಥಿಗಳನ್ನು ಮಂಗಳೂರು ವಲಯದ ಅಧ್ಯಕ್ಷರಾದ ಹರೀಶ್ ಅಡ್ಯಾರ್ ಸ್ವಾಗತಿಸಿದರು. ಕಾರ್ಯಕ್ರಮದ ನಿರೂಪಣೆಯನ್ನು ವಲಯದ ಕೋಶಾಧಿಕಾರಿಯವರಾದ ಅರ್ಜುನ್ ಶೃಂಗೇರಿಯವರು ನಿರ್ವಹಿಸಿದರು.