ಮಂಗಳೂರು ನ 30 : ರಾಜಕೀಯ ಕ್ಷೇತ್ರದಲ್ಲಿ ವಿವಿಧ ಪಕ್ಷಗಳ ಮುಖಂಡರುಗಳ ಹಣಾಹಣಿ ಎಲ್ಲರೂ ಸಾಕಷ್ಟು ನೋಡಿರುತ್ತಾರೆ. ಆದರೆ, ಬದ್ಧ ಎದುರಾಳಿ ಮುಖಂಡರಿಬ್ಬರು ಇಲ್ಲಿ ಕೈ ಕೈ ಮಿಲಾಯಿಸಿಕೊಂಡಿದ್ದಾರೆ ಆದರೆ ದ್ವೇಷದಿಂದಲ್ಲ . ಸಂಸದ ನಳಿನ್ ಕುಮಾರ್ ಕಟೀಲ್ ಹಾಗೂ ಶಾಸಕ ಮೊಯ್ದೀನ್ ಬಾವಾ ಬಾಕ್ಸಿಂಗ್ ಗ್ಲೌಸ್ ಹಾಕಿಕೊಂಡು ಫೈಟ್ ಮಾಡಿದ್ದಾರೆ. ಆದರೆ, ಈ ಫೈಟ್ ಮಾತ್ರ ರಿಯಲ್ ಅಲ್ಲ ಕೇವಲ ಶೋ ಗೆ ಮಾತ್ರ. ಮಂಗಳೂರು ನಗರದ ಫಿಟ್ ನೆಸ್ ಸೆಂಟರ್ ವೊಂದರ ಉದ್ಘಾಟನೆಗೆ ನ ೨೯ ರ ಬುಧವಾರ ಸಂಜೆ ಅತಿಥಿಗಳಾಗಿ ಆಗಮಿಸಿದ ಸಂಸದ ನಳಿನ್ ಹಾಗೂ ಶಾಸಕ ಮೊಯ್ದೀನ್ ಬಾವಾ ಗ್ಲೌಸ್ ಹಾಕಿ ಫೈಟ್ ಶೋ ನೀಡುವ ಮೂಲಕ ಫಿಟ್ ನೆಸ್ ಸೆಂಟರ್ ಗೆ ಚಾಲನೆ ನೀಡಿದ್ದಾರೆ. ರಾಜಕೀಯ ಕ್ಷೇತ್ರದಲ್ಲಿ ವಿರುದ್ಧ ಧ್ರುವಗಳಂತಿರುವ ನಳಿನ್ ಕುಮಾರ್ ಕಟೀಲ್ ಮತ್ತು ಮೊಯಿದ್ದೀನ್ ಬಾವ ಬಾಕ್ಸಿಂಗ್ ಶೋ ಮಾತ್ರ ಕಾರ್ಯಕ್ರಮದಲ್ಲಿ ಭಾಗವಹಿಸಿದವರಿಗೆ ಭರ್ಜರಿ ಮನೋರಂಜನೆ ನೀಡಿತು.
ಚಾನಲ್ ಫಾಲೋ ಮಾಡಿ
