ಕಾಸರಗೋಡು: ಕೋಝಿಕೋಡ್ ಅಪಘಾತದಲ್ಲಿ ಮೇರ್ಕಳದ ಮಹಿಳೆ ಮೃತ್ಯು

•   Fri, Sep 27 2024 03:10:09 PM



• ಕಾಸರಗೋಡು, ಸೆ.27(DaijiworldNews/AK): ಕೋಝಿಕೋಡ್ ಕೊಡುವಳ್ಳಿ ಎಂಬಲ್ಲಿ ನಡೆದ ವಾಹನ ಅಪಘಾತದಲ್ಲಿ ಬಂದ್ಯೋಡು ಸಮೀಪದ ಮೇರ್ಕಳದ ಮಹಿಳೆಯೋರ್ವರು ಮೃತಪಟ್ಟ ಘಟನೆ ನಡೆದಿದೆ. ಮೇರ್ಕಳ ಪರಪ್ಪದ ಸಿದ್ದಿಕ್ ರವರ ಪತ್ನಿ ತಸ್ಲೀಮಾ ( 28) ಮೃತಪಟ್ಟವರು.

  ಕೋಝಿಕ್ಕೋಡ್ ನ ಖಾಸಗಿ ಆಸ್ಪತ್ರೆಯಲ್ಲಿ ಮೃತಪಟ್ಟರು. ಆಗಸ್ಟ್ ೨೪ ರಂದು ರಾತ್ರಿ ಕೊಡುವಳ್ಳಿ ಎಂಬಲ್ಲಿ ಅಪಘಾತ ನಡೆದಿತ್ತು. ವಯನಾಡಿಗೆ ತೆರಳಿ ಅಲ್ಲಿಂದ ಮಡವೂರು ದರ್ಗಾ ಭೇಟಿಗೆ ತೆರಳುತ್ತಿದ್ದಾಗ ಇವರು ಸಂಚರಿಸುತ್ತಿದ್ದ ಇನ್ನೋವಾ ಕಾರು ನಿಯಂತ್ರಣ ತಪ್ಪಿ ಡಿವೈಡರ್ ಗೆ ಡಿಕ್ಕಿ ಹೊಡೆದು ಮಗುಚಿ ಬಿದ್ದಿದ್ದು , ಗಂಭೀರ ಗಾಯಗೊಂಡಿದ್ದ ತಸ್ಲೀಮಾ ರನ್ನು ಆಸ್ಪತ್ರೆಗೆ ದಾಖಲಿಸಿದ್ದರೂ ಚಿಕಿತ್ಸೆಗೆ ಸ್ಪಂದಿಸದೆ ಗುರುವಾರ ರಾತ್ರಿ ಮೃತಪಟ್ಟಿದ್ದಾರೆ.

  ಇವರ ಮಕ್ಕಳಾದ ತಫ್ಸಿಯಾ( 8) , ಫಾತಿಮಾ ( 4) , ತಸ್ಲೀಮಾ ರ ಸಹೋದರ ಅಬ್ದುಲ್ ಜಮಾಲ್ ( 27) , ಸಂಬಂಧಿಕ ಕುಂಞಲೀಮಾ ( 30) ಗಾಯಗೊಂಡಿದ್ದು , ಕೋಜಿಕ್ಕೋಡ್ ನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.