ಕಾಸರಗೋಡು: ಮಂಗಳಮುಖಿಯ ವಿವಸ್ತ್ರಗೊಳಿಸಿ ಯುವಕನೊಂದಿಗೆ ಪೋಟೋ - ಬ್ಲಾಕ್ ಮೇಲ್ - ನಾಲ್ವರು ಆರೆಸ್ಟ್

•   Wed, May 29 2019 11:39:33 AM



• ಕಾಸರಗೋಡು,ಮೇ 29(Daijiworld News/MSP): ಯುವಕನೊಂದಿಗೆ ನಗ್ನ ಮಂಗಳಮುಖಿಯನ್ನು ನಿಲ್ಲಿಸಿ ಫೋಟೋ ತೆಗೆದು ಬೆದರಿಕೆಯೊಡ್ಡಿದ ಪ್ರಕರಣಕ್ಕೆ ಸಂಬಂಧಿಸಿ ನಾಲ್ಕರನ್ನು ಹೊಸದುರ್ಗ ಪೊಲೀಸರ ಬಂಧಿಸಿದ್ದಾರೆ.

  

  ಚೆರ್ವತ್ತೂರು ಬಳಿಯ 25ರ ಹರೆಯದ ಮಂಗಳ ಮುಖಿ ನೀಡಿದ ದೂರಿನಂತೆ ಮಾಣಿಕೋತ್‌ ಮಡಿಯನ್‌ ನಿವಾಸಿಗಳಾದ ನಸೀಮುದ್ದೀನ್‌ (27). ಮಿದ್‌ಲಾಜ್‌ (26). ಆಶಿಕ್‌ (25) ಮತ್ತು ಶರೀಫ್‌(26)ನನ್ನು ಪೊಲೀಸರು ಬಂಧಿಸಿದ್ದಾರೆ. ಇವರು ಕೃತ್ಯಕ್ಕೆ ಬಳಿಸಿದ್ದ ಆಲ್ಟೋ ಕಾರನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

  ವೇಲೇಶ್ವರದ ತೆಂಗಿನ ತೋಟವೊಂದರಲ್ಲಿ ಪೋಟೋ ತೆಗೆದು 1 ಲಕ್ಷ ರೂ. ನೀಡುವಂತೆ ಬೆದರಿಕೆ ಹಾಕಿದ್ದು ಹಣ ನೀಡದಿದ್ದಲ್ಲಿ ವೀಡಿಯೋ ಚಿತ್ರಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಚಾರ ಮಾಡುವುದಾಗಿ ಬೆದರಿಕೆಯೊಡ್ಡಿದ್ದರು. ಹಣವಿಲ್ಲವೆಂದಾಗ ಮಂಗಳಮುಖಿಯ ಎಟಿಎಂ ಕಾರ್ಡ್‌, ಪಿನ್‌ನಂಬ್ರವನ್ನು ಪಡೆದುಕೊಂಡಿದ್ದು ವಿವಿಧ ಎಟಿಎಂ ಕೌಂಟರ್‌ಗಳಿಂದ 40 ಸಾವಿರ ರೂ. ಅಪಹರಿಸಿದ್ದಾಗಿ ದೂರು ನೀಡಲಾಗಿತ್ತು. ಪೊಲೀಸರು ತನಿಖೆ ಮುಂದುವರಿಸಿದ್ದಾರೆ.