ಕಾಸರಗೋಡು: ಶಾಲೆಯಲ್ಲಿ ಶಿಕ್ಷಕಿಗೆ ಹಾವು ಕಡಿತ- ಆಸ್ಪತ್ರೆಗೆ ದಾಖಲು

•   Fri, Sep 13 2024 08:21:29 PM



• ಕಾಸರಗೋಡು, ಸೆ.14 (DaijiworldNews/AK): ಶಾಲಾ ತರಗತಿಯಲ್ಲಿ ಶಿಕ್ಷಕಿ ಯೋರ್ವರು ಹಾವಿನ ಕಡಿತಕ್ಕೊಳಗಾದ ಘಟನೆ ನೀಲೇಶ್ವರದಲ್ಲಿ ಶುಕ್ರವಾರ ನಡೆದಿದೆ.

  ನೀಲೇಶ್ವರ ರಾಜಾಸ್ ಹೈಸ್ಕೂಲಿನ ಓಣಂ ಹಬ್ಬ ಆಚರಣೆ ಸಂದರ್ಭದಲ್ಲಿ ಘಟನೆ ನಡೆದಿದೆ. ಹಾವಿನ ಕಡಿತಕ್ಕೊಳಗಾದ ನೀಲೇಶ್ವರದ ವಿದ್ಯಾರವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಶಾಲೆಯಲ್ಲಿ ಓಣಂ ಹಬ್ಬ ಆಚರಣೆ ಸಂದರ್ಭದಲ್ಲಿ ವಿವಿಧ ಸ್ಪರ್ಧೆಗಳು ನಡೆಯುತ್ತಿದ್ದಾಗ ಹಾವು ಕಡಿದಿದೆ. ಕೂಡಲೇ ಉಳಿದ ಅಧ್ಯಾಪಕರು ಆಸ್ಪತ್ರೆಗೆ ತಲಪಿಸಿದರು. ಶಿಕ್ಷಕಿ ಚೇತರಿಸಿಕೊಳ್ಳುತ್ತಿದ್ದಾರೆ ಎಂದು ಆಸ್ಪತ್ರೆ ಮೂಲಗಳು ತಿಳಿಸಿವೆ.

  ಘಟನೆಯೂ ವಿದ್ಯಾರ್ಥಿಗಳು ಹಾಗೂ ಅಧ್ಯಾಪಕರನ್ನು ಗಂಟೆಗಳ ಕಾಲ ಬೆಚ್ಚಿ ಬೀಳಿಸಿತು.ಹಾವನ್ನು ಅರಣ್ಯಾಧಿಕಾರಿಗಳು ಹಿಡಿದು ಕೊಂಡೊಯ್ದಿದ್ದು , ತಪಾಸಣೆಯಿಂದ ವಿಷಕಾರಿ ಹಾವು ಅಲ್ಲ ಎಂದು ತಿಳಿದು ಬಂದಿರುವುದಾಗಿ ಅಧಿಕಾರಿಗಳು ತಿಳಿಸಿದ್ದಾರೆ .