ಮಂಗಳೂರು: ಭೀಕರ ರಸ್ತೆ ಅಪಘಾತಕ್ಕೆ ರಿಕ್ಷಾ ಡ್ರೈವರ್ ಬಲಿ

•   Sat, Sep 09 2017 12:57:41 PM



• ಮಂಗಳೂರು, ಸೆ.9: ರಾಷ್ಟ್ರೀಯ ಹೆದ್ದಾರಿ ೬೬ ಸುರತ್ಕಲ್ ತಡಂಬೈಲ್ ಬಳಿ ನಿನ್ನೆ ನಡೆದ  ಭೀಕರ  ರಸ್ತೆ ಅಪಘಾತದಲ್ಲಿ ರಿಕ್ಷಾ ಚಾಲಕರೋರ್ವರು ಮೃತಪಟ್ಟ ಘಟನೆ ನಡೆದಿದೆ. ಮುಂಚೂರು ನಿವಾಸಿ  ಸದಾಶಿವ ಘಟನೆಯಲ್ಲಿ ಮೃತಪಟ್ಟ ದುರ್ದೈವಿ.

  

  

  ತಡಂಬೈಲ್ನ  ಸುಪ್ರೀಮ್ ಹಾಲ್ ಬಳಿ ಈ ಘಟನೆ ನಡೆದಿದ್ದು, ಸದಾಶಿವ ಅವರು  ಮುಂಚೂರು ರಸ್ತೆ ಕಡೆ ತೆರಳಲು, ಯೂ ಟರ್ನ್ ತೆಗೆದುಕೊಳ್ಳುತ್ತಿದ್ದ ಸಂದರ್ಭದಲ್ಲಿ ಉಡುಪಿ ಕಡೆಯಿಂದ ವೇಗವಾಗಿ ಬಂದ  ಮೀನು ಸಾಗಾಟದ ಲಾರಿ  ಡಿಕ್ಕಿ ಹೊಡೆದು, ರಿಕ್ಷಾವನ್ನು ರಸ್ತೆಯುದ್ದಕ್ಕೂ ಎಳೆದುಕೊಂಡು ಹೋಗಿದೆ. ಅಪಘಾತದ ತೀವ್ರತೆಗೆ ಸದಾಶಿವ ಅವರು ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.