ಡಾಲರ್ ಮುಂದೆ ಮಂಡಿಯೂರಿದ ಪಾಕಿಸ್ತಾನದ ಕರೆನ್ಸಿ

•   Thu, May 16 2019 05:35:41 PM



• ಇಸ್ಲಾಮಾಬಾದ್‌,ಮೇ 16 (Daijiworld News/MSP): ಪಾಕಿಸ್ತಾನಕ್ಕೆ ಬಲವಾದ ಆರ್ಥಿಕ ಪೆಟ್ಟು ಬಿದ್ದಿದೆ. ಅಮೆರಿಕದ ಡಾಲರ್ ಎದುರು ಪಾಕಿಸ್ತಾನದ ರೂಪಾಯಿ ಮೌಲ್ಯ ಮತ್ತೆ ಕುಸಿದಿದ್ದು, ತೀವ್ರ ಆರ್ಥಿಕ ಸಂಕಷ್ಟದಲ್ಲಿರೋ ಪಾಕಿಸ್ತಾನಕ್ಕೆ ಮತ್ತೊಂದು ಹೊಡೆದ ಬಿದ್ದಂತಾಗಿದೆ. ಬುಧವಾರ ಡಾಲರ್​ ಎದುರು 141.5 ರೂಪಾಯಿದ್ದ ಪಾಕಿಸ್ತಾನ ಕರೆನ್ಸಿ ಮೌಲ್ಯ, ಗುರುವಾರದಂದು 6.50 ರೂಪಾಯಿಯಷ್ಟು ಇಳಿಕೆ ಕಂಡು 135 ತಲುಪಿದೆ. ಹೀಗಾಗಿ ಡಾಲರ್ ಮುಂದೆ ಪಾಕ್ ಕರೆನ್ಸಿ ಮೌಲ್ಯ ಪಾತಾಳಕ್ಕೆ ಕುಸಿದಿದೆ. 

  

  ಪಾಕ್ ಪ್ರಧಾನಿ ಇಮ್ರಾನ್ ಖಾನ್, ಐಎಮ್​ಎಫ್​​ ಮುಂದೆ ಆರ್ಥಿಕ ಸಹಾಯಕ್ಕಾಗಿ ಕೈಒಡ್ಡಿ ನಿಂತಿದ್ರೆ ಇತ್ತ ಕರೆನ್ಸಿ ಮೌಲ್ಯ ಕುಸಿದಿದೆ. ಮುಂದಿನ ದಿನಗಳಲ್ಲಿ ಪಾಕಿಸ್ತಾನ ಕರೆನ್ಸಿಯ ಮೌಲ್ಯ ಮತ್ತಷ್ಟು ಕ್ಷೀಣಿಸುವ ಸಾಧ್ಯತೆಗಳಿವೆ. ಪಾಕ್ ಭಾರತೀಯ 1 ರೂಪಾಯಿಗೆ ಪ್ರತಿಯಾಗಿ ದುಪ್ಪಟ್ಟು ಹಣ ಅಂದರೆ ಪಾಕಿಸ್ತಾನ ಕರೆನ್ಸಿ ಲೆಕ್ಕದಲ್ಲಿ 2 ರೂಪಾಯಿ 10 ಪೈಸೆ ನೀಡಬೇಕಾದ ಸ್ಥಿತಿ ಬಂದೊದಗಿದೆ.

  ಐಎಮ್​ಎಫ್​​ ಮುಂದೆ ಆರ್ಥಿಕ ಸಹಾಯಕ್ಕಾಗಿ ಕೈಒಡ್ಡಿದ ಹಿನ್ನಲೆಯಲ್ಲಿ ಕಠಿಣ ಸುಧಾರಣೆಯ ಷರತ್ತುಗಳನ್ನ ವಿಧಿಸಿ ಐಎಮ್​ಎಫ್​​ ಪಾಕಿಸ್ತಾನಕ್ಕೆ 6 ಬಿಲಿಯನ್ ಡಾಲರ್ ಹಣಕಾಸು ಸಹಾಯ ಮಾಡಲು. ಒಪ್ಪಿಗೆ ನೀಡಿದೆ. ಆದರೂ ಪಾಕ್ ಕರೆನ್ಸಿ ಪಾತಾಳ ಕುಸಿತ ಕಂಡಿರುವ ಬಗ್ಗೆ ಪಾಕ್​​ ಜನರು ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.