ಉಕ್ರೇನ್‌ನ 65 ಮಂದಿ ಯುದ್ಧ ಕೈದಿಗಳಿದ್ದ ರಷ್ಯಾ ವಿಮಾನ ಪತನ

•   Wed, Jan 24 2024 08:37:22 PM



• ಮಾಸ್ಕೋ, ಜ 24 (DaijiworldNews/PC): ಉಕ್ರೇನಿಯನ್ ಯುದ್ಧ ಕೈದಿಗಳನ್ನು ಹೊತ್ತು ಸಾಗಿದ್ದ ರಷ್ಯಾದ IL-76, ಹೆವಿ-ಲಿಫ್ಟ್ ಮಿಲಿಟರಿ ಸಾರಿಗೆ ವಿಮಾನವು ಪತನಗೊಂಡಿದ್ದು ಈ ಅವಘಡದಲ್ಲಿ ಎಲ್ಲರೂ ಸಾವನ್ನಪ್ಪಿದ್ದಾರೆ ಎಂದು ರಷ್ಯಾ ತಿಳಿಸಿದೆ.

  ರಷ್ಯಾದ IL-76, ಹೆವಿ-ಲಿಫ್ಟ್ ಮಿಲಿಟರಿ ಸಾರಿಗೆ ವಿಮಾನದಲ್ಲಿ 65 ಉಕ್ರೇನಿಯನ್ ಯುದ್ಧ ಕೈದಿಗಳಿದ್ದು ರಷ್ಯಾದ ಬೆಲ್ಗೊರೊಡ್ ಪ್ರದೇಶದಲ್ಲಿ ಪೈಲಟ್‌ ನಿಯಂತ್ರಣ ಕಳೆದುಕೊಂಡಿದ್ದು ವಸತಿ ಪ್ರದೇಶದ ಬಳಿ ವಿಮಾನ ಪತನಗೊಂಡಿದೆ.

  ಹಡಗಿನಲ್ಲಿ ವಶಕ್ಕೆ ಪಡೆದ 65 ಉಕ್ರೇನಿಯನ್ ಸೇನಾ ಯೋಧರನ್ನು ವಿನಿಮಯಕ್ಕಾಗಿ ಬೆಲ್ಗೊರೊಡ್ ಪ್ರದೇಶಕ್ಕೆ ಸಾಗಿಸಲಾಗಿತ್ತು. ಆರು ಸಿಬ್ಬಂದಿ ಮತ್ತು ಮೂರು ಬೆಂಗಾವಲುಗಳಿದ್ದರು ರಷ್ಯಾದ ಬೆಲ್ಗೊರೊಡ್ ನಲ್ಲಿ ಈ ಘಟನೆ ಸಂಭವಿಸಿದೆ.

  ಇನ್ನು ಈ ಕುರಿತಾಗಿ ಉಕ್ರೇನ್‌ ಯಾವುದೇ ರೀತಿಯ ಅಧಿಕೃತ ಹೇಳಿಕೆ ನೀಡಿಲ್ಲ. ಆದರೆ, ಸ್ಥಳೀಯ ಮಾಧ್ಯಮಗಳು ಉಕ್ರೇನ್‌ನ ರಕ್ಷಣಾ ಪಡೆಗಳ ಮೂಲವನ್ನು ಉಲ್ಲೇಖಿಸಿ, ತನ್ನ ಸೇನಾ ಪಡೆಗಳೇ ಈ ವಿಮಾನವನ್ನು ಉರುಳಿಸಿದೆ. ಇದು ಕ್ಷಿಪಣಿಗಳನ್ನು ಸಾಗಾಟ ಮಾಡುತ್ತಿತ್ತು ಎಂದು ವರದಿ ಮಾಡಿದೆ.