'Friends' ಖ್ಯಾತಿಯ ನಟ ಮ್ಯಾಥ್ಯೂ ಪೆರ್ರಿ ನಿಧನ; ಹಾಟ್ ಟಬ್ ನಲ್ಲಿ ಶವ ಪತ್ತೆ

•   Sun, Oct 29 2023 10:27:47 AM



• ಲ್ಯಾಂಗ್‌ಫೋರ್ಡ್, ಅ 29(DaijiworldNews/MS): 'ಫ್ರೆಂಡ್ಸ್' ಖ್ಯಾತಿಯ ನಟ 54 ವರ್ಷದ ಮ್ಯಾಥ್ಯೂ ಲ್ಯಾಂಗ್‌ಫೋರ್ಡ್ ಪೆರ್ರಿ ನಿಧನರಾಗಿದ್ದಾರೆ. ಆ.28 ರಂದು ಲಾಸ್ ಏಂಜಲೀಸ್ ನ ತನ್ನ ಮನೆಯಲ್ಲಿ ಹಾಟ್ ಟಬ್ ನಲ್ಲಿ ಪ್ರಜ್ಞಾಹೀನ ಸ್ಥಿತಿಯಲ್ಲಿ ಪತ್ತೆಯಾಗಿದ್ದರು ಎಂದು ಫಾಕ್ಸ್ ನ್ಯೂಸ್ ವರದಿ ಹೇಳಿದೆ.

  ಸಾವಿನ ಸುದ್ದಿ ಪ್ರಪಂಚದಾದ್ಯಂತದ ಅವರ ಅಭಿಮಾನಿಗಳಲ್ಲಿ ಆಘಾತ ಹಾಗೂ ವಿಷಾದವನ್ನುಂಟುಮಾಡಿದೆ. ಅವರು 1990 ರ ದಶಕದಲ್ಲಿ ಎನ್‌ಬಿಸಿ ಟೆಲಿವಿಷನ್ ಸಿಟ್‌ಕಾಮ್ ಫ್ರೆಂಡ್ಸ್ (1994-2004) ನಲ್ಲಿ ಚಾಂಡ್ಲರ್ ಬಿಂಗ್ ಪಾತ್ರಕ್ಕಾಗಿ ಅಂತರರಾಷ್ಟ್ರೀಯ ಮನ್ನಣೆಯನ್ನು ಪಡೆದಿದ್ದು ಅವರ ಪಾತ್ರಕ್ಕಾಗಿ ಸ್ಕ್ರೀನ್ ಆಕ್ಟರ್ಸ್ ಗಿಲ್ಡ್ ಪ್ರಶಸ್ತಿಯನ್ನು ಗಳಿಸಿದ್ದರು.

  1969 ರಲ್ಲಿ ಕೆನಡಿಯನ್ ಮತ್ತು ಅಮೇರಿಕನ್ ಪೋಷಕರಿಗೆ ಮ್ಯಾಸಚೂಸೆಟ್ಸ್‌ನಲ್ಲಿ ಜನಿಸಿದ ಪೆರ್ರಿ ಕೆನಡಾದ ಒಟ್ಟಾವಾದಲ್ಲಿ ಬೆಳೆದರು, ಅಲ್ಲಿ ಅವರು ಜಸ್ಟಿನ್ ಟ್ರುಡೊ ಅವರೊಂದಿಗೆ ಪ್ರಾಥಮಿಕ ಶಾಲೆಯಲ್ಲಿ ವ್ಯಾಸಂಗ ಮಾಡಿ ಲಾಸ್ ಏಂಜಲೀಸ್‌ ಗೆ ತೆರಳಿದರು.

  ಪೆರ್ರಿ ಅವರು 2018 ರಲ್ಲಿ ಅತಿಯಾದ ಡ್ರಗ್ ಬಳಕೆಯಿಂದಾಗಿ ಬರ್ಸ್ಟ್ ಕೊಲೊನ್ ಸೇರಿದಂತೆ ಆರೋಗ್ಯ ಸಮಸ್ಯೆಗಳನ್ನು ಅನುಭವಿಸಿದ್ದರು.