ಇಸ್ರೇಲ್ ಮೇಲೆ ಹಮಾಸ್ ಉಗ್ರರ ಅಟ್ಟಹಾಸ – ಸಾರ್ವಜನಿಕರ ಮೇಲೆ ಗುಂಡಿನ ದಾಳಿ

•   Sat, Oct 07 2023 06:37:25 PM



• ಟೆಲ್ ಅವಿವ್, ,ಅ 07 (DaijiworldNews/AK):ಇಸ್ರೇಲ್ ಮೇಲೆ ಹಮಾಸ್ ಉಗ್ರರು ದಾಳಿ ಜನರತ್ತ ಗುಂಡು ಹಾರಿಸುತ್ತಿದ್ದಾರೆ. ಇದನ್ನು ಕಟ್ಟಡದ ಮೇಲಿಂದ ವ್ಯಕ್ತಿಯೊಬ್ಬರೂ ವೀಡಿಯೋ ಮಾಡಿ ಹಂಚಿಕೊಂಡಿದ್ದಾರೆ.

  ಈ ವೀಡಿಯೋವನ್ನು ಅಂತರರಾಷ್ಟ್ರೀಯ ಮಾನವ ಹಕ್ಕುಗಳ ಹೋರಾಟಗಾರ ಆರ್ಸೆನ್ ಒಸ್ಟ್ರೋವ್ಸ್ಕಿ ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ.ಉಗ್ರಗಾಮಿ ಸಂಘಟನೆ ಹಮಾಸ್ ಉಡಾವಣೆ ಮಾಡಿದ ರಾಕೆಟ್‍ಗಳು ಇಸ್ರೇಲ್‍ನ ಪಟ್ಟಣಗಳು ಹೊತ್ತಿ ಉರಿಯುವಂತೆ ಮಾಡಿವೆ. ಉಗ್ರರ ದಾಳಿಯ ಬೆನ್ನಲ್ಲೇ ಯುದ್ಧವನ್ನು ಇಸ್ರೇಲ್ ಘೋಷಿಸಿದೆ. ಇದರ ನಡುವೆಯೇ ಉಗ್ರಗಾಮಿಗಳು ದೇಶದ ಕೆಲವು ಪ್ರಮುಖ ನಗರಗಳಿಗೆ ನುಗ್ಗಿದ್ದಾರೆ. ಈ ವೇಳೆ ಸಾರ್ವಜನಿಕರ ಮೇಲೆ ಮನಬಂದಂತೆ ಗುಂಡು ಹಾರಿಸುತ್ತಿದ್ದಾರೆ.

  ಗಾಜಾದಲ್ಲಿ ಉಗ್ರರು ಇಸ್ರೇಲ್ ಸೈನಿಕರ ಮೃತದೇಹಗಳನ್ನು ರಸ್ತೆಯಲ್ಲಿ ಎಳೆದಾಡಿ ಸಂಭ್ರಮಿಸುತ್ತಿರುವ ವೀಡಿಯೋ ಸಹ ವೈರಲ್ ಆಗುತ್ತಿದೆ. ಇದಕ್ಕೂ ಮೊದಲು ಉಗ್ರರು ಕೇವಲ 20 ನಿಮಿಷಗಳಲ್ಲಿ 5000 ರಾಕೆಟ್‍ಗಳಿಂದ ದಾಳಿ ನಡೆಸಿದ್ದರು.