ಪ್ರಧಾನಿ ಕಾರ್ಯಕ್ರಮಕ್ಕಾಗಿ ಚಾರ್ಟೆಡ್ ವಿಮಾನದ ಮೂಲಕ ಸಿಡ್ನಿಗೆ ಬಂದ 170 ಅನಿವಾಸಿ ಭಾರತೀಯರು

•   Tue, May 23 2023 12:36:44 PM



• ಸಿಡ್ನಿ,ಮೇ23(DaijiworldNews/KH):ವಿದೇಶಿ ಪ್ರವಾಸದಲ್ಲಿರುವ ಪ್ರಧಾನಿ ಮೋದಿ ಸದ್ಯ ಆಸ್ಟ್ರೇಲಿಯಾದಲ್ಲಿದ್ದು,  ಅವರ ಕಾರ್ಯಕ್ರಮದಲ್ಲಿ ಭಾಗಿಯಾಗಲು ವಿವಿಧ ಭಾಗದಲ್ಲಿ ನೆಲೆಸಿರುವ ಅನಿವಾಸಿ ಭಾರತೀಯರು ಒಟ್ಟಾಗಿ ಚಾರ್ಟೆಡ್ ವಿಮಾನದ  ಮೂಲಕ ಪ್ರಯಾಣಿಸಿದ್ದಾರೆ.

  ಮೆಲ್ಬೋರ್ನ್ ನಿಂದ ಸಿಡ್ನಿಗೆ 170 ಅನಿವಾಸಿ ಭಾರತೀಯರು ಚಾರ್ಟೆಡ್ ವಿಮಾನದ ಆಗಮಿಸಿದ್ದಾರೆ. 

  ಭಾರತೀಯ ಆಸ್ಟ್ರೇಲಿಯನ್ ಡಯಾಸ್ಪೊರಾ ಫೌಂಡೇಶನ್(ಐಎಡಿಎಫ್)ನ ಸದಸ್ಯರು, ತ್ರಿವರ್ಣ-ಥೀಮ್ ಹೊಂದಿರುವ ಪೇಟಗಳನ್ನು ಧರಿಸಿ, ರಾಷ್ಟ್ರಧ್ವಜಗಳನ್ನು ಬೀಸುತ್ತಾ, "ಮೋದಿ ಏರ್ವೇಸ್" ಎಂದು ಹೆಸರಿಸಿದ ವಿಮಾನದಲ್ಲಿ ಸಿಡ್ನಿಗೆ ಆಗಮಿಸಿದ್ದಾರೆ.

  ಐಎಡಿಎಫ್ ವತಿಯಿಂದ ಸಿಡ್ನಿ ಕಾರ್ಯಕ್ರಮವನ್ನು ಆಯೋಜಿಸಲಾಗಿದ್ದು, ಭಾರತೀಯ ಸಮುದಾಯದವರನ್ನು ಉದ್ದೇಶಿಸಿ ಮಾತನಾಡಲಿದ್ದಾರೆ.

  ಮೋದಿ ಅವರು ಮೂರು ರಾಷ್ಟ್ರಗಳ ಪ್ರವಾಸದ ಮೂರನೇ ಮತ್ತು ಅಂತಿಮ ಹಂತದಲ್ಲಿದ್ದು, ಈ ಸಂದರ್ಭದಲ್ಲಿ ಅವರು ಆಸ್ಟ್ರೇಲಿಯಾದ ಪ್ರಧಾನಿ ಅಲ್ಬನೀಸ್ ಆ್ಯಂಟನಿ ಅವರೊಂದಿಗೆ ಮಾತುಕತೆ ನಡೆಸಲಿದ್ದಾರೆ.