ಗೂಗಲ್ ವಾರ್ಷಿಕ ಸಮ್ಮೇಳನ - ಬಹುನಿರೀಕ್ಷಿತ ಗ್ಯಾಜೆಟ್ ಬಿಡುಗಡೆ ಸಾಧ್ಯತೆ

•   Wed, May 10 2023 03:05:58 PM



• ಕ್ಯಾಲಿಫೋರ್ನಿಯಾ, ಮೇ 10 (DaijiworldNews/MS): ಗೂಗಲ್ ನ ವಾರ್ಷಿಕ ಡೆವಲಪರ್ ಸಮ್ಮೇಳನ 'Google I/O 2023' ಇಂದು ರಾತ್ರಿ 10:30ರಿಂದ ಕ್ಯಾಲಿಫೋರ್ನಿಯಾದಲ್ಲಿ ಕಾರ್ಯಕ್ರಮ ನಡೆಯಲಿದೆ.

  ಗೂಗಲ್ 2008ರಿಂದ ಈ ಕಾರ್ಯಕ್ರಮ ಆಯೋಜಿಸುತ್ತಿದ್ದು ಇದರಲ್ಲಿ ಕಂಪನಿಯ ಹೊಸ ಗ್ಯಾಜೆಟ್‌ & ತಂತ್ರಜ್ಞಾನದ ಅಪ್‌ಡೇಟ್‌ಗಳನ್ನು ರಿಲೀಸ್‌ ಮಾಡಲಾಗುತ್ತದೆ. ಅದರಂತೆ ಕಂಪನಿಯು ಬಹುನಿರೀಕ್ಷಿತ Google Pixel 7A ಸ್ಮಾರ್ಟ್‌ಫೋನ್, Google Pixel Fold ಸ್ಮಾರ್ಟ್‌ಫೋನ್, Google Pixel ಟ್ಯಾಬ್ಲೆಟ್, Android 14 ಆಪರೇಟಿಂಗ್ ಸಿಸ್ಟಮ್ ಮತ್ತು Google AI ವೈಶಿಷ್ಟ್ಯಗಳನ್ನು ಪರಿಚಯಿಸಬಹುದು ಎಂದು ವರದಿಯಾಗಿದೆ.

  ಗೂಗಲ್​ನ ಚೊಚ್ಚಲ ಮಡಚುವ ಫೋನ್ ಪಿಕ್ಸೆಲ್ ಫೋಲ್ಡ್ ಮಾರುಕಟ್ಟೆಗೆ ಪದಾರ್ಪಣೆ ಮಾಡುವ ನಿರೀಕ್ಷೆಯಿದೆ. ಆದರೆ, ಕಂಪನಿ ಈ ಬಗ್ಗೆ ಯಾವುದೇ ಮಾಹಿತಿ ಹೊರಹಾಕಿಲ್ಲ.