'ವಿಶ್ವಕ್ಕೆ ಕೊರೊನಾ ವ್ಯಾಪಿಸಿದ ಚೀನಾ ದೊಡ್ಡ ಬೆಲೆ ತೆರಬೇಕಾಗುತ್ತದೆ' - ಟ್ರಂಪ್

•   Thu, Oct 08 2020 10:09:15 AM



• ವಾಷಿಂಗ್ಟನ್‌ ಡಿಸಿ, ಅ.08(DaijiworldNews/PY) : ಕೊರೊನಾ ಸಾಂಕ್ರಾಮಿಕ ಬಗ್ಗೆ ಮತ್ತೊಮ್ಮೆ ಚೀನಾದ ಮೇಲೆ ವಾಗ್ದಾಳಿ ನಡೆಸಿರುವ ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಕೊರೊನಾ ವಿಚಾರವಾಗಿ ಚೀನಾ ದೊಡ್ಡ ಬೆಲೆ ತೆರಬೇಕಾಗುತ್ತದೆ ಎಂದಿದ್ದಾರೆ.

  

  ಈ ಬಗ್ಗೆ ಟ್ವೀಟ್ ನಲ್ಲಿ ವಿಡಿಯೋ ಸಂದೇಶವೊಂದನ್ನು ಹಾಕಿರುವ ಅವರು, ನಾನು ನಿಮ್ಮನ್ನು ಕೊರೊನಾದಿಂದ ಮುಕ್ತಗೊಳಿಸುವ ಸಲುವಾಗಿ ಹೊರಟಿದ್ದೇನೆ. ಆದರೆ, ನೀವು ಇದಕ್ಕಾಗಿ ಬೆಲೆ ತೆರುವ ಅವಶ್ಯಕತೆ ಇಲ್ಲ. ಚೀನಾ ಮಾಡಿದ ತಪ್ಪಿನಿಂದಾಗಿ ಈ ದೇಶ, ವಿಶ್ವ ಸಂಕಷ್ಟಕ್ಕೆ ಒಳಗಾಗಿದೆ. ಇದಕ್ಕಾಗಿ ಚೀನಾ ದೊಡ್ಡ ಬೆಲೆ ತೆರಬೇಕಾಗುತ್ತದೆ ಎಂದು ಹೇಳಿದ್ದಾರೆ.

  ತಮಗೆ ದೃಢಪಟ್ಟ ಕೊರೊನಾ ಬಗ್ಗೆ ಪ್ರತಿಕ್ರಿಯಿಸಿದ ಅವರು, ಇದು ದೇವರ ಆಶೀರ್ವಾದ ಎಂದಿದ್ದಾರೆ.

  A MESSAGE FROM THE PRESIDENT! pic.twitter.com/uhLIcknAjT

  — Donald J. Trump (@realDonaldTrump) October 7, 2020