ಕಾಯಕಯೋಗಿ ಬಸವೇಶ್ವರರು ದೇಶಕ್ಕೆ ನೀಡಿದ ಕೊಡುಗೆ ಅಪಾರ - ಚಂದ್ರಶೇಖರ ಸ್ವಾಮೀಜಿ

•   Thu, Oct 10 2019 12:30:47 PM



• ಲಂಡನ್, ಅ.10(Daijiworld News/SS): ಕಾಯಕಯೋಗಿ ಬಸವೇಶ್ವರರು ದೇಶಕ್ಕೆ ನೀಡಿದ ಕೊಡುಗೆ ಅಪಾರ ಎಂದು ಆಧ್ಯಾತ್ಮಿಕ ಗುರುಗಳಾದ ಶ್ರೀ ಶ್ರೀ ಚಂದ್ರಶೇಖರ ಸ್ವಾಮೀಜಿಯವರು ಹೇಳಿದ್ದಾರೆ.

  

  

  

  

  ಲಂಡನ್ ದೇಶದ ಥೇಮ್ಸ್ ನದಿ ದಡದಲ್ಲಿರುವ ಲಾಂಬೆತ್ ಎಂಬಲ್ಲಿ ಪ್ರತಿಷ್ಠಾಪಿಸಿರುವ ವಿಶ್ವ ಗುರು ಶ್ರೀ ಬಸವೇಶ್ವರರ ದರ್ಶನ ಪಡೆದು, ವಿಶೇಷ ಪೂಜೆ ಸಲ್ಲಿಸಿ ಬಳಿಕ ಅವರು ಮಾತನಾಡಿದರು. "ಕಾಯಕವೇ ಕೈಲಾಸ" ಎಂಬ ಸರಳವಾದ ಮಂತ್ರವನ್ನು ಜನರಿಗೆ ತಿಳಿಸಿ, ಇಡೀ ದೇಶವನ್ನು ಮೌಢ್ಯದಿಂದ ಹೊರ ತರಲು ಮಹಾನ್ ಸಂತ ಬಸವೇಶ್ವರರು ಕೊಟ್ಟ ಕೊಡುಗೆ ಅಪಾರ ಎಂದು ನುಡಿದರು.

  ಈ ವೇಳೆ ಲಾಂಬೆತ್ ಮಾಜಿ ಮೇಯರ್ ಶ್ರೀ ನೀರಜ್ ಪಾಟೀಲ್, ಚಂದ್ರಶೇಖರ ಸ್ವಾಮೀಜಿ ಅವರನ್ನು ಬಸವ ಸಮಿತಿಯ ವತಿಯಿಂದ ಶಾಲು ಹೊದಿಸಿ, ಫಲ ತಾಂಬೂಲ ನೀಡಿ ವಿಶೇಷವಾಗಿ ಸನ್ಮಾನಿಸಿದರು.

  ಸಮಾರಂಭದಲ್ಲಿ ಶ್ರೀಮತಿ ರಜನಿ ಚಂದ್ರಶೇಖರ್, ಕುಮಾರಿ ರೋಶನಿ ಸಿ ಭಟ್, ರಾಹುಲ್ ಸಿ ಭಟ್ ಹಾಗೂ ನಿಖಿಲ್ ಕುಮಾರ್ ಭಾಗವಹಿಸಿದ್ದರು.