ಕರಾವಳಿಯ ಫ್ಯಾಷನ್ ಡಿಸೈನರ್, ಕೋರಿಯೋಗ್ರಾಫರ್ ಪ್ರಸಾದ್ ಬಿಡಪ್ಪಗೆ ಕತಾರ್ ನಲ್ಲಿ ಗೌರವ

•   Thu, Oct 03 2019 09:57:42 PM



• ಕತಾರ್, ಅ 03 (DaijiworldNews/SM): ರಾಷ್ಟ್ರಪಿತ ಮಹಾತ್ಮಾ ಗಾಂಧೀಜಿಯವರ 150ನೆಯ ಜನ್ಮದಿನೋತ್ಸವದ ಸಂಭ್ರಮಾಚರಣೆಯನ್ನು ಕತಾರ್ ನ ಭಾರತೀಯ ದೂತವಾಸದವರು ಆಯೋಜಿಸಿ ರಾಷ್ಟ್ರಪಿತ ಮಹಾತ್ಮ ಗಾಂಧೀಜಿಯವರಿಗೆ ಗೌರವ ಸಲ್ಲಿಸಿದರು.

  

  

  

  

  ಕತಾರ್ ನ ಭಾರತೀಯ ದೂತವಾಸದವರು ಖಾದಿ ಫ್ಯಾಷನ್ ಶೋ ನಡೆಸಿ ಕೊಟ್ಟ ಕಾರ್ಯಕ್ರಮದಲ್ಲಿ ಖ್ಯಾತ ಫ್ಯಾಷನ್ ಡಿಸೈನರ್, ಕೋರಿಯೋಗ್ರಾಫರ್ ಆಗಿರುವ ಪ್ರಸಾದ್ ಬಿಡಪ್ಪ ಅವರನ್ನು ಸನ್ಮಾನಿಸಲಾಯಿತು.

  ಕರ್ನಾಟಕ ಮೂಲದ ಸಂಘಟನೆಗಳು ಜತೆಗೂಡಿ ಸನ್ಮಾನ ಕಾರ್ಯವನ್ನು ನೆರವೇರಿಸಿ ಸತ್ಕರಿಸಿದರು. ಸನ್ಮಾನ ಸ್ವೀಕರಿಸಿದ ಬಳಿಕ ಮಾತನಾಡಿದ ಪ್ರಸಾದ್ ಬಿಡಪ್ಪನವರು, ಕನ್ನಡಿಗರ ಅಭಿಮಾನಕ್ಕೆ ಶಿರಭಾಗಿದರು. ಕಾರ್ಯಕ್ರಮ ಆಯೋಜಿಸಿದವರಿಗೆ ಹಾಗೂ ಸನ್ಮಾನ ಕಾರ್ಯ ನೆರವೇರಿಸಿದವರಿಗೆ ಕೃತಜ್ಞತೆ ಸಲ್ಲಿಸಿದರು.