ಬೆಂಜಮಿನ್‌ ನೆತನ್ಯಾಹುಗೆ ಇಸ್ರೇಲ್‌ನ ಸಾರ್ವತ್ರಿಕ ಚುನಾವಣೆಯಲ್ಲಿ ಹಿನ್ನಡೆ

•   Thu, Sep 19 2019 09:39:44 AM



• ಜೆರಸಲೇಂ, ಸೆ.19(Daijiworld News/SS): ಬೆಂಜಮಿನ್‌ ನೆತನ್ಯಾಹುಗೆ ಇಸ್ರೇಲ್‌ನ ಸಾರ್ವತ್ರಿಕ ಚುನಾವಣೆಯಲ್ಲಿ ಹಿನ್ನಡೆಯಾಗಿದೆ.

  

  ಚುನಾವಣೆ ಫಲಿತಾಂಶ ಹೊರಬಿದ್ದಿದ್ದು, ಪ್ರಚಂಡ ಗೆಲುವಿನ ಮೂಲಕ ಮತ್ತೊಮ್ಮೆ ಇಸ್ರೇಲ್‌ ಪ್ರಧಾನಿಯಾಗಿ ದಾಖಲೆ ಸೃಷ್ಟಿಸುವ ನಿರೀಕ್ಷೆಯಲ್ಲಿದ್ದ ನೆತನ್ಯಾಹು ನೇತೃತ್ವದ ಲಿಕುಡ್‌ ಪಕ್ಷ 31 ಸೀಟುಗಳಲ್ಲಿ ಜಯ ಗಳಿಸಿದರೆ, ಪ್ರತಿಪಕ್ಷ ಬ್ಲೂ ಆ್ಯಂಡ್‌ ವೈಟ್‌ ಪಕ್ಷ 32 ಸೀಟುಗಳನ್ನು ಜಯಿಸಿದೆ ಎಂದು ತಿಳಿದುಬಂದಿದೆ.

  ಸದ್ಯ ಬಹುಮತ ಸಿಗದೆ ರಾಜಕೀಯ ಅಸ್ಥಿರತೆ ಮುಂದುವರಿಯುವ ಲಕ್ಷಣ ಇಸ್ರೇಲ್‌ನ ರಾಜಕಾರಣದಲ್ಲಿ ಗೋಚರಿಸಿದೆ. ಜಾತ್ಯತೀತ ಸಿದ್ಧಾಂತದ ಇಸ್ರೇಲ್‌ ಬಿತೇನು ಪಕ್ಷ ಚುನಾವಣೆಯಲ್ಲಿ 9 ಸೀಟುಗಳನ್ನು ಗೆದ್ದಿದ್ದು, ಸದ್ಯ ಕಿಂಗ್‌ಮೇಕರ್‌ ಎನಿಸಿದೆ.