ಪಾಕಿಸ್ತಾನದ ಸೇನಾ ತರಬೇತಿ ವಿಮಾನ ಪತನ - 15ಕ್ಕೂ ಹೆಚ್ಚು ಸಾವು

•   Tue, Jul 30 2019 09:51:45 AM



• ಇಸ್ಲಾಮಾಬಾದ್, ಜು30(Daijiworld News/SS): ಪಾಕಿಸ್ತಾನದ ಸೇನಾ ತರಬೇತಿ ವಿಮಾನ ರಾವಲ್ಪಿಂಡಿ ಬಳಿ ಅಪಘಾತಕ್ಕೀಡಾಗಿದ್ದು, ಸಿಬ್ಬಂದಿ ಸೇರಿ ಒಟ್ಟು 17 ಮಂದಿ ಮೃತಪಟ್ಟಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

  

  ಲೆ.ಕ. ಸಕೀಬ್‌, ಲೆ.ಕ.ವಾಸಿಮ್, ನಾಯಬ್ ಸುಬೇದಾರ್‌ ಅಫ್ಜಲ್, ಹವಾಲ್ದಾರ್‌ ಅಮಿನ್, ಹವಾಲ್ದಾರ್‌ ರಹಮತ್‌ ಮೃತಪಟ್ಟ ಸಿಬ್ಬಂದಿಗಳು.

  ಇಸ್ಲಾಮಾಬಾದ್‌ ರಾಜಧಾನಿ ರಾವಲ್ಪಿಂಡಿಯಲ್ಲಿನ ಪಾಕಿಸ್ತಾನದ ಸೇನಾ ನೆಲಯ ಪ್ರಧಾನ ಕಚೇರಿ ಬಳಿ ಈ ಅಪಘಾತ ನಡೆದಿದೆ. ವಿಮಾನ ಜನವಸತಿ ಪ್ರದೇಶದ ಬಳಿ ನೆಲಕ್ಕೆ ಅಪ್ಪಳಿಸಿದ್ದರಿಂದ ಅಲ್ಲಿದ್ದ ಮನೆಗಳಿಗೆ ಬೆಂಕಿ ಹೊತ್ತಿಕೊಂಡಿದೆ. ಪ್ರತಿದಿನದಂತೆ ತರಬೇತಿ ನಡೆಸುತ್ತಿದ್ದಾಗ ವಿಮಾನ ದುರಂತಕ್ಕೀಡಾಗಿದೆ. 

  ಲೆ.ಜನರಲ್‌ ಬಿಲಾಲ್‌ ಅಕ್ಬರ್‌ ಘಟನಾ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ. ಜನವಸತಿ ಪ್ರದೇಶದಲ್ಲಿ ಲಘು ವಿಮಾನ ದುರಂತಕ್ಕೀಡಾಗಿದೆ. ಸದ್ಯ 15 ಮೃತದೇಹಗಳನ್ನು ಹೊರತೆಗೆಯಲಾಗಿದೆ. ಇನ್ನೂ 12 ಜನರು ತೀವ್ರವಾಗಿ ಗಾಯಗೊಂಡಿದ್ದಾರೆ. ರಕ್ಷಣಾ ಕಾರ್ಯ ಮುಂದುವರಿದಿದೆ ಎಂದು ಅಕ್ಬರ್‌ ತಿಳಿಸಿದ್ದಾರೆ.